Kulturnamn, retningslinjer for tildeling

1. Som ein stimulans for det lokale kulturlivet kan ein annakvart år dela ut prisen kulturnamn til kunstnarar, kulturarbeidarar eller lag med tilknyting til Bømlo kommune. 
2. Summen er for tida kr 25 000,-, men utval for oppvekst, kultur og idrett kan justera denne summen.
3. Kulturnamn 2011 kan bli gitt etter søknad frå andre.
4. Summen kan bli gitt til ein person/eit lag, eller delast i to like store delar.
5. Kulturnamn 2011 blir gitt for aktivt, frivillig og uløna kulturarbeid over lengre tid.
6. Administrasjonen syter for å gjera prisen kjend m.a. ved utlysing i pressa i god tid før innsending av søknad.
7. Søknaden skal vera skriftleg og på eige skjema, og skal sendast til utval for oppvekst, kultur og idrett, som nominerer.
8. Det skal ikkje knytast særlege vilkår for korleis mottakaren nyttar prisen.
9. Dersom prisen ikkje blir utdelt eit år som den ifølgje retningslinjene skulle delast ut, kan midlane overførast til bruk eit seinare år.

Retningslinjene blei vedteke i kommunestyret, den 22.03.10, og erstattar tidlegare vedtekne retningslinjer.