Målgruppe
Alle som søkjer om kart- og delingsforretning.
Formål med tenesta
Føremålet er å leggje tilhøva til rette, slik at arealressursane kan verta brukt på den måten som er mest gagnleg for samfunnet og for dei som har yrket sitt i landbruket.
Tenesta gjeld
Etter jordlova kan ikkje eigedomar som er nytta eller kan nyttast til jordbruk eller skogbruk delast utan samtykke frå kommunen eller Fylkeslandbruksstyret. Dyrka jord må ikkje brukast til føremål som ikkje tek sikte på jordbruksproduksjon.
Kva er kravet for å motta tenesta
Ved søknader om frådeling av tomter skal det takast omsyn til den avkasting som eigedomen kan gi. Ved avgjersle skal det takast omsyn om deling kan føra til drifts- eller miljømessige ulemper for landbruket i området.
Kva gjer kommunen
Søknad om kart- og delingsforretning vert sendt til kommunen, tekniske tenester. Dei sender kopi av søknad til landbruksavdelinga for avgjersle etter jordlova. Avgjersle etter jordlova kan påklagast til Fylkesmannen landbruksavdelinga. Klage på Fylkeslandbruksstyre sine vedtak vert handsama av Statens Landbruksforvaltning SLF.
Korleis søkja tenesta
Når landbruksavdelinga mottek søknaden, vert det sendt krav om gebyr til søkjar. Gebyret er for tida kr 2000,-. Så snart gebyr er betalt, vert saka handsama. Er tomtestorleiken under 2 daa kan landbrukssjefen avgjera saka på delegasjon. Er tomtestorleiken over 2 daa vert saka oversendt Fylkesmannen landbruksavdelinga for avgjersle.