Vegskildring: Dersom du køyrer frå Svortland sentrum, føl du vegen mot Sakseid/Langevåg. Køyr til du ser skiltet med Kulleseidkanalen Gjestehamn, som ligg om lag 12,5 km frå Svortland.
Kulleseidkanalen Gjestehamn er som navnet seier, ei gjestehamn for båtar. Dei som driv her har laga ei lita strand og køyrt til sand. Det er mogleg å dykka, og det er fint å hoppa frå brygga. Du kan ta med grill, men det er og sett fram store grillar der. Badeplassen har toalett og bossbøtter.