Kommunestyret i Bømlo har i møte 11.06.2012 vedteke fylgjande reguleringsplan:
Detaljreguleringsplan for bustadfelt Espeland-Grindheim felt B1, B2, B3, B8, BK3 og FG 1 på gnr.14,bnr.2,72 og 187 og gnr.12,bnr.2 og 8 i Bømlo kommune
Kommunestyret sitt vedtak kan påklagast til Fylkesmannen i Hordaland av dei som er part i saka eller har rettsleg klageinteresse jfr. Plan- og bygningslova av 27.06.2008 §§ 12-12 og § 1-9 og Forvaltningslova kap. VI. Eventuelle klager skal setjast fram skriftleg ovanfor Bømlo kommune innan 3 veker frå denne kunngjeringa.
Eventuelle krav om erstatning eller innløysing må setjast fram innan 3 år frå denne kunngjeringa, jfr. Plan- og bygningslova §§ 15-2 og 15-3. Eventuelle klager og krav om erstatning vert å senda Bømlo kommune, Rådhuset 5430 Bremnes.
REGULERINGSPLAN UTLAGT TIL OFFENTLEG GJENNOMSYN:
Utval for areal og samferdsel i Bømlo kommune har i møte 13.06.2012 sak 79/12 gjort vedtak om at følgjande reguleringsplan vert utlagt til offentleg gjennomsyn i samsvar med Plan og bygningslova § 12- 10:
Reguleringsplan for Fv 542 Kryss Stokkabekken i Bømlo kommune
Utbetring av Fv 542 mellom Stokkabekken og Siggjarvåg er blant priorterte tiltak i Bømlopakken. Utbygging av denne strekninga er tredje prioritet i utbyggingsrekkefølgje av sju vegprosjekt i Bømlopakken, med oppstart i perioden 2014-2017. Planarbeidet starta med planprogram utarbeid vinteren 2009-2010.
Etter høyring og offentleg ettersyn vart planprogrammet fastsett av kommunestyret 22.03.2010. Det er vidare utført konsekvensutgreiing som grunnlag for val av alternativ. Denne vart godkjent i kommunestyret 13.12.2010.
Reguleringsplanarbeidet er delt i to der krysset ved Stokkabekken vert skilt ut frå planen for strekninga mellom Stokkabekken og Siggjarvåg, og lagt fram som eigen plan.
Framlegg til reguleringsplan for Fv 542 Kryss Stokkabekken var utlagt til offentleg ettersyn mars 2012. Dette planarbeidet vart stansa grunna trong for utviding av planområdet. Reguleringsplanarbeidet vart starta opp med oppstartsmelding av 23.03.2012 der ein hadde rett planavgrensing. Reguleringsplan for FV 542 Rubbestad- Stokkabekken som vart vedteken i kommunestyret 30.03.2012 vil verte oppheva for det området som vert omfatta av ny reguleringsplan for Fv 542 Kryss Stokkabekken.
Reguleringsplan for Fv 542 kryss Stokkabekken legg det formelle plangrunnlaget for ombygging av kryssområdet.
Planområdet er på 95 daa og disponert på fylgjande måte:
• Bensinstasjon/vegserviceanlegg.
• Køyreveg,
• Anna veggrunn
• Kollektivterminal
• Kollektivholdeplass
• Parkering
Planframlegget er utlagt til offentleg gjennomsyn på Bømlo Rådhus 5430 Bremnes i tida 22.06.2012 til 24.08.2012 Eventuelle merknader vert å senda Bømlo kommune Arealbruk 5430 Bremnes innan 24.08.2012 eller postmottak@bomlo.kommune.no innan 24.08.2012. Dersom ein ynskjer å oppretthalde tidlegare innsendte merknader til reguleringsplanen må ein sende skriftleg melding om dette.