Målgruppe
Personar som har langvarig og tyngjande omsorgsansvar for funksjonshemma barn, unge, vaksne eller eldre.
Formål med tenesta
Avlasting er utelukkande retta mot personar med stort omsorgsansvar, anten det er familie eller andre frivillige omsorgsytarar. Gjennom avlasting skal omsorgsytaren få høve til nødvendig og regelmessig fritid og ferie, og ein skal få høve til å ta del i vanlege samfunnsgoder og aktivitetar.
Tenesta gjeld
Tenestestandard for pleie- og omsorgstenester
Avlasting kan gjevast i heimen eller ved at den omsorgstrengjande får avlastingsopphald i institusjon / avlastingsbustad.
Sosialavdelinga gjev avlasting for funksjonshemma i form av:
- tilskot til avlasting: ved at dei pårørande kan få eit økonomisk tilskot og sjølv avtalar med og løner ein avlastar
- engasjert avlastar: ved at sosialtenesta evt. engasjerer og løner ein avlastar som tek seg av den funksjonshemma i eller utanfor heimen
- opphald i Avlastingsbustaden: ved at den funksjonshemma etter søknad vert innvilga eit fast tal døger i månaden
Avlasting er kostnadsfritt.
Kva er kravet for å motta tenesta
Den som yt omsorg må ha trong for avlasting for framleis å kunna ha ansvaret for omsorga i heimen. Samstundes må omsorgssituasjonen vera langvarig og tyngjande. Omsorga må med andre ord overgå omsorgsevna til den som har det daglege ansvaret.
Den som får omsorg kan ikkje vera i stand til å ha omsorg for seg sjølv, og er heilt avhengig av praktisk eller personleg hjelp for å greia dagleglivet sine gjeremål.
Kva gjer kommunen
Ta kontakt med ditt omsorgsområde eller med konsulent for funksjonshemma ved sosialavdelinga.
Søknad må setjast fram på eige søknadsskjema. Drøft gjerne saka på førehand, og få klårlagt om retten til avlasting er tilstades, eller om det er andre tiltak som kan avlasta i den daglege omsorga.
Søknaden din vert handsama i tråd med Lov om sosiale tjenester §§ 4-2b og 4-4. Me må samstundes ta omsyn til dei ressursar (tal senger, personell og økonomi) me har til rådvelde.
Dei nemnde paragrafane gjeld avlasting og tyngjande omsorgsarbeid.
Korleis søkja tenesta
Søknaden skal sendast på eige skjema til ditt omsorgsområde eller til sosialavdelinga. Sjå adresseoversikt nedanfor. Når søknaden gjeld for eldre er det inntaksnemnda som avgjer søknaden.
Klage:
Avlasting er eit tiltak etter "Lov om sosiale tjenester §4-2". Difor må ei eventuell klage når det gjeld avslag eller omfang stilast til Fylkesmannen i Hordaland, men alltid sendast til ditt omsorgsområde eller sosialavdelinga.
Det er fastsett nærare retningsliner for dei ulike avlastingsordningane.
Heimehjelp, heimesjukepleie, dagopphald i institusjon, barnehageplass, ferie o.l. vil kunne gje omsorgsytaren avlasting. Dette vil vera ein del av den samla vurderinga når retten til og omfanget av avlasting skal fastsetjast.