Fysioterapi, tenesteomtale

Målgruppe 
Fysioterapeutane yter tenester til alle aldersgrupper, med hovudvekt på barn,
funksjonshemma og eldre.    
 
Formål med tenesta 
Målsetjinga for tenesta er å betra eller vedlikehalda brukaren si funksjonsevne 
eller kompensera for funksjonssvikt, slik at dei kan meistra livssituasjonen sin best mogleg.  
 
Tenesta gjeld 
Kommunefysioterapeutane arbeider med habilitering og rehabilitering gjennom arbeid med 
m.a. brukarar i barnehagar, skular, omsorgsområde, Bømlo bu- og rehabiliteringssenter, 
sjukeheimar og dagsenter. Arbeidet omfattar m.a.: 

• Undersøking, vurdering
• Behandling/trening/oppfølging
• Rettleiing av brukar, personale og pårørande
• Formidling, utprøving og tilpassing av tekniske hjelpemiddel
• Tverrfagleg arbeid i forhold til habilitering og rehabilitering 

Me har lokale i Bømlo bu- og rehabiliteringssenter, men utfører også tenester i;

• barnehagar og skular
• Bømlo bu- og rehabiliteringssenter (pasientar på rehab-plass)
• sjukeheimar
• dagsenter for funksjonshemma
• heime hos brukar - ved vurdering av behov for tilrettelegging og hjelpemiddel.
  I spesielle høve (etter fysioterapeuten si vurdering), kan trening/behandling foregå i heimen 

Me har eit tett samarbeid med ergoterapeuten i kommunen. Andre samarbeidspartnarar er m.a.:
pleie og omsorg, helsestasjon, Psykisk helse, legar, PPT, skule, barnehage, NAV-kontoret, sjukehus,
Habiliteringsteama i Bergen og Helse Fonna, Rehabiliteringsteamet i Hordaland.   

Bømlo kommune yter 3,4 driftstilskot til privatpraktiserande fysioterapeutar. I tillegg er det ein fysioterapeut
som jobbar utan driftstilskot. Fysioterapitilbodet er organisert slik at undersøking og behandling av personar
som sjølv kan forflytta seg, i hovudsak skal utførast av privatpraktiserande fysioterapeut. 

Kommunefysioterapeutane arbeider mest med brukarar der det er behov for tverrfagleg samarbeid.
Difor vert dei fleste barn med behov for fysioterapi henvist til kommunefysioterapeut. 
 
Kva er kravet for å motta tenesta 
I regelen må du ha rekvisisjon frå lege for å få behandling hos fysioterapeut.
Anna helsepersonell kan også tilvisa for vurdering, funksjonskartlegging, rettleiing og hjelpemiddelformidling.
 
I Bømlo kommune er fysioterapitilbodet organisert slik at undersøking og behandling av personar som sjølv kan forflytta seg,
i hovudsak skal utførast av privatpraktiserande fysioterapeut med kommunalt driftstilskot.
Bømlo kommune yter 3,4 driftstilskot til privatpraktiserande fysioterapeutar.
 
For behandling hos privatpraktiserande fysioterapeut med driftstilskot, treng du rekvisisjon frå lege.
Utan rekvisisjon må du betala meir for behandlinga, då fysioterapeuten i slike tilfelle ikkje får refusjon
frå trygdekontoret. Behandling hos dei kommunalt tilsette kostar det same som hos dei private.   
 
Kva gjer kommunen 
Har du behov for fysioterapi kan du ta kontakt med sjefsfysioterapeut eller kommunefysioterapeutane,
eller få hjelp av andre å fylla ut tilvisingsskjema.
Kor lang tid det tar før ein får time varierer. I periodar med stor pågang har ventetida vore opptil fleire månader.
Enkelte pasientgrupper blir prioriterte, avhengig av tilvisingsårsak. Dette gjeld m.a. pasientar med akutt trong for
fysioterapi/hjelpemidlar/oppfølging, som t.d. spedbarn, rehabiliteringspasienter ved BBR, pasientar med
raskt progredierande sjukdomar, somme nyopererte
og pasientar med nyoppdaga funksjonshemmingar/spesielle diagnosar.

Fysioterapeuten vil vurdera ditt behov for oppfølging sett i samanheng med dei ressursar me til ei kvar tid har tilgjengeleg. 
 
Korleis søkja tenesta

Tilvising til fysioterapi

Tilleggsskjema som skal liggja ved søknad 

Tenesteomtale ergoterapi 

Søknadsskjema Rehabiliteringsplass BBR         
 
Tenesteomtale tekniske hjelpemiddel

Sjefsfysioterapeut:

• Kathrine Tislevoll Nygård: 53 42 33 42 

Fysioterapeutar: 

• Synnøve I. Staveland 53 42 33 44 (fri onsdag)
• Elin Olaussen 53 42 33 45 
• Eldbjørg Nesse 53 42 33 46
• Mona Thorbjørnsen  53 42 33 43  (fri måndag og fredag) 
• 53 42 33 49 (vikar)   

Postadresse:
Kommunefysioterapeutane i Bømlo
Bømlo bu- og rehabiliteringssenter
5430 Bremnes

Private fysioterapeuter med driftstilskot:

Bli God Fysikalske
Øyvind Østensen og Linda Mari Skimmeland Kalvenes
Svortland
5430 Bremnes
Tlf. 53 42 13 11

Stang Fysioterapi
Thomas Stang
Mælandsvågen
5430 Bremnes
Tlf. 41 31 02 00 

Mælandsvågen

Ny fysioterapeut er tilsett frå 01.03.11, meir informasjon kjem

5430 Bremnes
Tlf. 

Langevåg fysioterapi
Håkon Andreas Karlsen
5443 Langevåg
Tlf.:  41 16 41 06