Kommunal kontantstøtte er ei yting for barn mellom to og tre år som ikkje nyttar barnehageplass og som er busett i Bømlo kommune.

Forskrift for lokal kontantstøtte Bømlo kommune:

• Barn i alderen 24 - 35 mnd. og som er busett i Bømlo kommune kan søkje om lokal kontantstønad på inntil kr. 5000, - pr mnd.

• Barn som nyttar barnehage 19 timar pr veke eller mindre kan søkje om halv stønad på kr 2500,- pr mnd.

• Det vert ikkje gjeve kommunal kontantstøtte for barn som har barnehageplass i annan kommune.

• Søknad om kommunal kontantstøtte skal rettast til Bømlo kommune v/ Oppvekst og kultur

Mottakarar av kontantstønad må melde frå til Bømlo kommune dersom grunnlaget for kommunal kontantstønad ikkje lenger er tilstades. Slike grunnar kan vere at bornet flytter frå Bømlo, eller begynner i barnehage. Feilaktig utbetalt kontantstøtte kan verta krevd tilbakebetalt.

Spørsmål om søknad rettast til:         

sissel.aastvedt.halland@bomlo.kommune.no        
 

Statleg kontantstøtte

Det er vedtatt å endre kontantstøtteloven frå 1. august 2012. Endringane inneber at kontantstøtta vert avvikla for toåringar. Graderingsreglane vert endra for eitt-åringane ved at ein går frå fem til to satsar. Det vert innført aldersdifferensierte satsar slik at dei yngste eitt-åringane (13 -18 månadar) får utbetalt 5000 kroner per måned i full kontantstøtte, medan det for dei eldste eitt-åringane (19 - 23 månadar) vert utbetalt 3303 kroner pr månad.

NAV har laga eit informasjonsbrev som vert sendt til alle som mottar den statlege kontantstøtta. I dette brevet vert dei nye reglane skildra saman med betydinga lovendringane får for deg som mottar kontantstøtte.