Målgruppe
Tekniske hjelpemiddel kan lånast ut til brukarar som treng det i akutte situasjonar, i eit kortare tidsrom eller som har eit varig behov.
Formål med tenesta
Tekniske hjelpemiddel skal gjera kvardagen lettare for brukarar som treng slikt utstyr.
Tenesta gjeld
I ein akuttsituasjon eller for eit kortare tidsrom
Personar som treng å låna eit hjelpemiddel i ein akuttsituasjon eller for eit kortare tidsrom, skal anten kontakta dei heimebaserte tenestene i sitt område eller driftsleiar/ambulerande vaktmeister.
Utlån frå Hjelpemiddelsentralen i Hordaland
Personar som har eit varig behov for å låna hjelpemiddel, kan få det gjennom folketrygda. Dei heimebaserte tenestene har søknadskjema og hjelper til med å søkja. Det er Hjelpemiddelsentralen i Hordaland og fysio-/ergoterapeutane som forvaltar hjelpemiddel som tilhøyrer folketrygda.
Tenestestandard for pleie- og omsorgstenester
Kva er kravet for å motta tenesta
Hjelpemiddelbehovet må vera stadfesta av helsepersonell i kommunen.
Gebyr/avgift: Ingen
Hjelpemiddel skal vaskast før dei vert returnert. I tillegg blir dei grundig reingjort på lageret før utlevering til neste brukar.
Korleis søkja tenesta
Det kan søkjast om lån frå NAV/Hjelpemiddelsentralen dersom brukarar har eit varig behov for hjelpemiddel. Bømlo kommune hjelper til med søknaden.
Utlevering/reparasjon av hjelpemiddel
Brukar vil få melding om at hjelpemiddel er kome. Etter avtale kan hjelpemiddel hentast eller leverast til brukar. Behov for reparasjon skal meldast til omsorgsområdet, fysio-/ergoterapeutar eller direkte til driftsleiar.
Arbeidstida til driftsleiar er kl 08.00 til 15.00. Det er ikkje vakt i helgane, då må ein venda seg til dei heimebaserte tenestene i området.
Tryggleiksalarm
Tryggleiksalarm kjem ikkje inn under denne ordninga. For å låna alarm, kontakt dei heimebaserte tenestene i området, dei vidareformidlar kontakt.
NAV har etablert ei vaktordning for reparasjon av tekniske hjelpemiddel.