Med alle godkjende eldstader i sal skal det følgja med ei monteringsrettleiing, og eldstaden skal monterast i samsvar med både denne og plan- og bygningslova med forskrifter.
Nymontert eldstad skal kontrollerast av ein kvalifisert kontrollør før den blir teke i bruk. Kvalifisert kontrollør kan vera feiar, murar,
varmeforhandlar eller andre med tilstrekkeleg kompetanse. Det er ein fordel for din eigen del at du kan dokumentera denne kontrollen skriftleg.
Det er derfor viktig å fylla ut Skjekkliste for montering av eldstad ved tilsyn/kontroll av feiaren. Dokumentasjon for rett montering av eldstaden er også viktig ved kjøp og sal av bustaden.
Ved å sende ein kopi til feie- og tilsynsavdelinga i kommunen vil du sikre at det blir utført regelmessig behovsprøvd feiing, og at eldstaden ikkje representerer ein brannfare ved bruk.
Kopi av kontrollskjema kan sendast til:
Bømlo kommune
v/Brann og beredskap
Rådhuset
5430 BREMNES
eller det kan leverast i Kundetorget på Rådhuset eller på Brannstasjonen på Svortland.
Installasjon av gass- eller parafinfyrte eldstader kopla til tank er søknadspliktig i samsvar med plan- og bygningslova §93.
Dersom du har spørsmål kontakt Bjørn Kjetil Ljosdal på telefon 53 42 31 27/907 37 022 eller Jan Samuel R. Gardner på telefon 53 42 31 26/900 34 723.