Verksemdsleiar for legetenesta er Monica Tofte Amundsen. Simon Knutsson Sortland

Planlagt innflytting i det nye legesenteret Øyane Helsehamn er i månadskiftet januar-februar 2025. I samband med samanslåinga er det avklara at tal legekontor relativt enkelt kan utvidast med tre til fire legekontor ved behov fram i tid. Samanslåinga vil frigjere plass ved Bømlo bu- og helsesenter. 

12 legekontor

Det er 12 legekontor disponibelt med eventuell utviding fram i tid med tre-fire nye i tillegg. I tillegg skal alt hjelpepersonell følgje med over. Det pågår arbeid for å sikra god drift og logistikk i det nye legesenteret. 

- Me ser fram til å ta i bruk det nye bygget og å få samla fagkompetansen, opplyser kommunalsjef Kjell Magnar Mellesdal.

Han orienterte om dette i Utval for levekår tysdag 12. november.

Framtidsretta

- Øyane Helsehamn er eit framtidsretta bygg med gode romløysingar, fleire behandlingsrom, overbygd ambulanseinngang med meire. Me ser fram til å ta det nye lokalet i bruk, seier leiar for legetenesta Monica Tofte Amundsen.