SISTE: Fylkestinget i Vestland vedtok 16. juni at dagens innkrevjing på Spissøy med to-vegs innkrevjing blir vidareført.
Kommunestyret i Bømlo vedtok samrøystes eit ekstra punkt om dersom det i perioden kjem nye innkrevingsløysingar skal desse vurderast. Fylkesutvalet i Vestland har tidlegare uttala seg positivt til å sjå på nye formar for innkrevjing om det blir gitt opning for dette frå sentralt hald. Dette var avgjerande for at kommunestyret i Bømlo vedtok dette punktet, då det ikkje er med i innstillinga til Vestland fylkesting.
Bompengeinnkrevjing som i dag
Vedtaket i Bømlo kommunestyre vil vere det same som fylkestinget. Dagens innkrevjing på Spissøy med to-vegs innkrevjing blir vidareført. Bompengeinnkrevjinga på ferjesambandet Langevåg- Buavåg skal fortsetje i heile bompengeperioden med kronepåslag på ferjetakst. Dermed vert det ikkje bomring rundt Svortland sentrum.
Om det viser seg at proposisjonen etter vedtak i denne saka ikkje kan bli fremja for Stortinget før stortingsvalet hausten 2021, skal fylkestinget be om at den opphavlege proposisjonen etter fylkestinget sitt vedtak i juni 2018 vert fremja for Stortinget. Det vil i så fall bety bomring rundt Svortland sentrum med fire innkrevjingspunkt.
- Kommunestyret tiltrer dei vurderingane som er gjort av administrasjonen i Vestland fylkeskommune, og ber i samsvar med innstillinga om at Samferdselsdepartementet fremjer eit nytt utkast til proposisjon til Stortinget basert på punkt 2 til 10 i dette vedtaket. Om det viser seg at proposisjonen etter vedtak i denne saka ikkje kan bli fremja for Stortinget før stortingsvalet hausten 2021, skal fylkestinget be om at den opphavlege proposisjonen etter fylkestinget sitt vedtak i juni 2018 vert fremja for Stortinget.
- Kommunestyret sluttar seg til det føreslåtte opplegget for revisjon av Bømlopakken slik det er skissert i saka. Dette inneber eit bompengebidrag på 494 mill. 2021-kr. i den reviderte pakken. Fylkeskommunen skal bidra med 171 mill. 2021-kr. inkludert mva-refusjon. Pakken skal finansiere følgjande 3 prosjekt i prioritert rekkjefølgje:
a. Fv 541 Sakseid – Hestaneset
b. Fv 542 Notland – Mosterhamn
c. Fv 541 Sakseid – Ekornsæter
- Om det står att midlar i pakken, vert det sett av ei ramme til mindre utbetringar av fylkesvegnettet på Bømlo. Følgjande tre prosjekt skal prioriterast i prioritert rekkjefølgje:
a. Totlandsvegen – Grindheimsvegen
b. Laurhammerkjosen – Olakjosen
c. Grønnevik – Sakseid
Om det er attståande midlar i pakken, kan desse nyttast til andre prosjekt.
- Det vert lagt til grunn at utbygging av den reviderte pakken skal skje i perioden 2022 – 2027.
- Dagens innkrevjing på Spissøy med to-vegs innkrevjing blir vidareført. Bompengeinnkrevjinga på ferjesambandet Langevåg- Buavåg skal fortsette i heile bompengeperioden med kronepåslag på ferjetakst.
- Ved bruk av elektronisk brikke får køyretøy i takstgruppe 1 ein rabatt på 20 pst. Det blir ikkje gitt rabatt til køyretøy i takstgruppe 2. Det er lagt til grunn at nullutsleppskøyretøy skal ha inntil 50 pst. av taksten for konvensjonelle køyretøy. Det er lagt til grunn innføring av eit månadleg passeringstak på 30 passeringar for takstgruppe 1, og 40 passeringar for takstgruppe 2. Når innkrevjinga i dei nye bomstasjonane startar, er det lagt til grunn ei gjennomsnittleg inntekt per passering på omlag 50 kr (2021-kr). Dette svarar til ein grunntakst på om lag 69 kr (2021-kroner) for køyretøy i takstgruppe 1 (køyretøy med tillat totalvekt til og med 3500 kg samt køyretøy i køyretøykategori M1 med elektronisk brikke og gyldig avtale). Køyretøy i takstgruppe 2 (køyretøy med tillat totalvekt frå og med 3501 kg ekskl. køyretøy i køyretøykategori M1 med elektronisk brikke og gyldig avtale), betaler dobbelt takst.
- For ferje blir det lagt til grunn eit kronepåslag for bompengedelen på ferjebilletten på 20 2021-kroner for køyretøy med lengde opptil 6 meter (bilgruppe AP1). For kjøretøy med lengde mellom 6 og 12,5 meter (bilgruppe AP2-AP4) er bompengetaksten 40 2021-kroner. For kjøretøy over 12,5 meter (bilgruppe AP5-AP9) er bompengetaksten 60 2021-kroner.
- Om gjennomsnittleg inntekt pr passering kjem under 50 2021-kroner, vert det lagt til grunn at grunntaksten vert justert slik at gjennomsnittleg takst pr passering kjem opp på 50 2021- kroner.
- Bompengeperioden er sett til 15 år frå innkrevjingstart.
- Fram til innkrevjinga kan starte i det nye bompengeopplegget, fortset innkrevjinga som før i eksisterande bomstasjon på Spissøya og i ferjesambandet Langevåg-Buavåg.