Halleraker synte til Hovudplan for vatn og avlaup 2022-2050. Selskapet driv si verksemd etter sjølvkostprinsippet, og det er dei nær 8000 abonnentane som betalar for drifta i form av vass- og avlaupsgebyr.
Store investeringar
- Me står føre store investeringar framover. Dette er vegprosjekt i samband med Bømlopakken og store industriutbyggingar, mellom anna vatn til Hovlandshagen. Ein stor del av investeringane vil komme innan dei 5 til 6 første åra og det er viktig for selskapet å informere eigar om dei utfordringar ein ser framføre seg, seier Halleraker.
Han reiste også spørsmålet om kva strategi eigar meiner selskapet skal ha framover for å stetta både innbyggjarane og næringslivet sine forventningar og behov.
- Bømlo har godt og reint vatn, men det kjem ikkje av seg sjølv, konkluderte ordførar Sammy Olsen etter presentasjonen frå det heileigde kommunale vatn- og avlaupsselskapet. Han takka for grundig og god informasjon som politikarane vil ta med seg vidare i strategi- og budsjettarbeidet.
Hovudplan for vatn og avlaup
Trafikksikring og flaggreglement
Formannskapet tok til orientering 2. tertialrapport rekneskap og finans. Mot Partiet De Kristne si røyst vedtok formannskapet å innstilla til kommunestyret i tråd med kommunedirektøren sitt framlegg om flagging på kommunale bygningar.
Birgit Sønstabø Esperø (KrF) etterlyste status og framdrift på overgang frå Stavlandsneset til fortau på andre sida av vegen. Dette er skuleveg og skulle prioriterast som trafikksikringsprojekt. Ho får svar i neste møte.
Formannskapet lukka møtet for to saker som gjaldt sal av industriområde i Rubbestadneset og regulering av løn til kommunedirektøren.
Saksdokument frå formannskapsmøte 7. oktober 2021