Om få veker startar slåttesesongen langs fylkesvegane i Vestland. Ved å vedlikehalde gjerda sine kan grunneigarar gjere jobben litt lettare for entreprenørane våre.
Kantslått er viktig både for å sikre god sikt og trafikktryggleik, men også for å hindre spreiing av uønska artar langs vegane, som hagelupin, kjempebjørnekjeks og kjempespringfrø.
For å gje gode tilhøve for dei artane vi ynskjer å ta vare på, skal kantslåtten skje til visse tidspunkt gjennom sommaren.
- Grunneigarane har sjølve ansvar for å sjå etter gjerda sine og sikre at dei er i skikkeleg stand, seier Eivind Yttri, seksjonsleiar for drift og vedlikehald i Vestland fylkeskommune.
Les meir om kantslåtten langs fylkesvegane