Når du seksjonerer eit uteareal, vil areala bli tinglyst som tilleggsareal til seksjonane. Dette betyr at seksjonane får eksklusiv einerett til bruk av arealet.
Uteareal kan kun seksjonerast som tilleggsareal i grunnen til seksjonane. Eit uteareal åleina kan ikkje vera ein eigen seksjon med eige seksjonsnummer.
Seksjonering av uteareal kan gjerast i samband med ein søknad om førstegongsseksjonering, eller ved ein søknad om reseksjonering.
Dersom du kun skal gjera små justeringar av utearealet til ein eigarseksjon, kan du søkja om grensejustering i staden for reseksjonering. Dette føreset at:
- det ikkje skal gjerast endring av eigarbrøken
- arealet for dei involverte parsellane ikkje aukar eller minkar med meir enn 5 %
- vilkåra for grensejustering er oppfylt, sjå matrikkelforskrifta § 34
Hugs:
- Uteareal som alle seksjonar må ha tilgang til for naudsynt adkomst må vera fellesareal. Alle som eig ein seksjon skal ha høve til å koma fram til eigen seksjon frå fellesarealet.
- Dersom felles stoppekran og felles sikringsskap er plassert utandørs, må dette arealet vera fellesareal.
- Uteareal som er vedtatt som fellesareal i byggjeløyve eller reguleringsplan, kan ikkje fordelast til einskilde seksjonar. Desse må framleis vera fellesareal.
Du kan fordela uteareal slik:
Sist endra 17.01.2022 10:02