Bømlo ungdomsråd

Øystein Kausrud, Moderator

Øivind Johnsen, Kommunepsykolog

Per Erik, brukar Nyving og

Karl Magnus Tollaksvik, ungdomsrepresentant

Bømlo Folkebibliotek  tysdag 30.09.2025 kl. 19:00

  Gratis inngang

  Arrangementet passar for unge og vaksne

Menn oppsøker hjelp for psykiske helseutfordringar sjeldnare enn kvinner, og er overrepresenterte i sjølvmordsstatistikken. Kvifor er det slik? Kva ligg bak den høge terskelen for å be om hjelp? Og kva kan me gjere for å bryte ned barrierane?

Biblioteket inviterer til ein viktig panelsamtale med kommunepsykolog Øivind Johnsen og fleire gjester. Me har ikkje alle svara, men ønskjer å løfte fram eit tema som ofte er tabubelagt – og som rører ved mange. Det vil også bli mogleg å stille spørsmål frå salen.

Foredrag ved Kaja Leknes Lied , Fastlege  

Rådhuset, kommunestyresalen tysdag 02.10.2025 kl. 18:00

Gratis inngang

Foredraget passar for unge og vaksne  

Søvn kan vera ei utfordring for mange, både det å få sove og ikkje minst det å få sove nok. Her er det lege Kaja Leknes Lied vil fortelje om:

«Det finnes mange spørsmål om søvn – nokre har me ikkje svar på og nokre er etter kvart godt dokumentert.

Kvifor søv me? Kva skjer når me ikkje søv (nok)?Og korleis blir søvnvanskar behandla best? Mest 10% av befolkinga står på reseptpliktige sovemidlar, i tillegg er også hormonpreparat blitt reseptfritt tilgjengeleg på butikken. Er det fordi det er ei god løysing) Me kjem alle til å sova dårleg i periodar av livet, nokon heile livet, men for dei fleste i kortare periodar. Og trenden er no aukande – stadig fleire får søvnvanskar for lengre tid og i yngre alder. Eg ønskjer å formidla kunnskap slik at fleire kan ta gode val for å sova best mogleg. Kanskje trengs du ikkje kunnskapen i dag, men som all anna sjukdom kan de komma kasta over deg ein dag og då kan det hjelpa å vera god på søvn vite kven du kan kontakte for å få hjelp vidare.

Foredrag ved Anne Marit Særsten Halvorsen, Kommuneoverlege og Øivind Johnsen, Kommunepsykolog

Bømlo Kulturhus, litlesalen tysdag 14.10.2025 kl. 18:00

Gratis inngang

Foredraget passar for unge og vaksne

Kommuneoverlege Anne Marit Særsten Halvorsen og kommunepsykolog Øivind Johnsen har siste 1,5 år hatt foredrag for foreldre og tilsette i skulane om korleis skjerm påverkar helsa vår, og også gitt foreldre råd om grensesetting. I kulturhuset vil dei ta med mykje av den kunnskapen dei har formidla tidlegare om kvifor vi så lett blir avhengige av skjerm, og kva konsekvensar skjermbruk kan ha for oss. Med meir inngåande kunnskap om konsekvensar av skjermbruk, slik at ein har eit større beslutningsgrunnlag for å ta gode val for seg sjølv.

Foredraget passar for både unge og vaksne som ynskjer eit meir bevisst forhold til skjermbruk

Temakveld for tenåringsforeldre

Alis Natterøy – leiar Bømlo ungdomsråd og

John Henrik Staveland Sæter,  

SLT koordinator/ UNGDATA ansvarleg i Bømlo kommune.

Rådhuset, kommunestyresalen onsdag 15.10.2025 kl. 18:00

Gratis inngang

        Passar for ungdomsforeldre

Med utgangspunkt i arbeidet med UNGDATA undersøkininga i 2024 snakkar Bømlo ungdomsråd om kva ungdommar på Bømlo ønskjer seg av foreldra sine.  Er det slik at ein berre vil ha fridom til å gjere kva som helst, at kun   meiningane til dei jamaldrande som tel etc., eller ser dette kanskje litt annleis ut? Ungdommen snakkar, det blir litt faktainformasjon og dei føresette får lov til å jobba litt dei og.

Bømlo ungdomsråd har i no i ei årrekkje arbeid under mottoet «Ungdom ved roret» kor det er lagt vekt på å gje ungdom verktøy til å kunne stå opp for meiningane sine og sjølv ta regien. Det er ungdommen som skal bestemme innhaldet og vaksenpersonar rundt dei skal bidra der det er nødvendig og ønskt i frå ungdommane si side. Dette arrangementet er eit resultat av dette arbeidet.

Marie R Haldorsen, Marit S. Habbestad og Elin Pedersen, kognitive terapeutar og/eller psykiatriske sjukepleiarar

Strandnellik- Bøtun 3, Bremnes torsdag 16. oktober kl. 18:00

Gratis inngang

Kvelden passar for unge og vaksne

Dei tre innleiarane ser nærmare på kva stress og belastning er, korleis det påverkar oss i kvardagen og kva strategiar som kan bidra til å betre meistring.

Målet er å auka bevisstheita kring kva me fyller dagane våre med, både det  som gir energi og det som tappar oss.

Du vil få anledning til å sjå på eigne vanar og korleis små justeringar kan skape betre balanse.