Når treng du skjenkeløyve for enkeltarrangement?
- Om du skal servere alkohol mot betaling i eit lukka selskap som til dømes bryllaup, bursdag, jubileum eller firmaarrangement. Dersom arrangør er privatperson og ikkje arrangerer gjennom bedrift med serverings- og skjenkeløyve søker ein om eit ambulerande skjenkeløyve
- Dersom ein skal ha eit arrangement som er ope for publikum, i lokale utan skjenkeløyve eller utandørs på eit avgrensa område. Du søker då om eit skjenkeløyve enkelt høve
Når treng du ikkje søke om skjenkeløyve?
Du treng ikkje å søke om skjenkeløyve om du har eit privat arrangement og gjestene har med seg alkohol eller du serverer alkohol utan å ta betaling.
Kva krav må du oppfylle for å få skjenkeløyve?
- Løyvesøkjar må vere fylt 20 år, samt skjenkestyrar og reservestyrar.
-Arrangementet skal skildrast så godt at ein slepp etterspørje informasjon.
-Type arrangement og vakthald må vera grundig utfylt under relevant punkt i søknaden.
-Det er eit krav at ein utarbeidar vaktplan/liste med vaktansvarleg og fører opp kontaktpersonar som er til stades under gjennomføring av arrangementet.
-For større arrangement må ein i tillegg leggje ved oversiktskart, tryggleiksplan ol.
Ved store offentlege arrangement med over 500 gjester skal både skjenkestyrar og reserveskjenkestyrar ha godkjent kunnskapsprøve i alkoholloven. Ved offentlege arrangement med meir enn 100 gjester krev ein at skjenkestyrar og/eller reserveskjenkestyrar har gjennomgått e-læringskurset ansvarleg vertsskap som Helsedirektoratet har utarbeida.
Kor lang tid tek det?
Du får vanlegvis svar på søknad om ambulerande skjenkeløyve innan ei veke.
Det vil ta lenger tid å få svar på søknad om skjenkeløyve for eit enkeltløyve, då me her må spørje politiet om dei har merknader til arrangementet og vandel. Søk difor i god tid før arrangementsdato.
Kva kostar det?
Ved innvilga skjenkeløyve for enkeltløyve gjeld fylgjande satsar:
- For arrangement inntil 450 personar: kr. 1000
- For arrangement med meir enn 450 personar: kr. 6100
- Dersom arrangementet strekk seg over fleire dagar i samband med større arrangement eller festival skal det takast gebyr for kvar av dagane, men maksimalt det løyvegebyret for skjenk er satt til i alkoholforskrifta § 6.2, per 2024 er sasen 6100 kr, den vert justert årleg.
Lovar og forskrifter