Tryggleiksalarm/velferdsteknologi

Tryggleiksalarm er ein knapp som du kan ha som eit smykke rundt halsen eller på handleddet. Når du trykker på knappen vil heimetenesta i kommunen få beskjed. Tilsette i heimetenesta rykker ut uansett kva tid på døgnet det er. Saman med tryggleiksalarmen får du med ein røyksensor med direkte kobling til alarmsentral og ein nøkkelboks der ekstranøkkel til husværet ditt vert oppbevart. 

Dette er ein dosett som varslar med lyd og lys når du skal ta medisinen din. På denne måten får du rett medisin til rett tid. Dispenseren registrerer om du tar medisinen. Dersom du ikkje gjer det går det eit varsel til heimetenesta som vil ta kontakt med deg.

Rørslesensorar er ulike sensorar som registrerar og varslar rørsle. Dette kan blant anna vera sengesensor som varslar når det har vore fråvær frå senga over ein gitt periode, dørsensor som varslar dersom du går ut døra eller ein fallararm som gir beskjed om du dett. På denne måten kan du få hjelp til rett tid, når uhellet faktisk oppstår. 

Digitalt tilsyn er eit tilsyn ved hjelp av eit kamera som vert montert opp heime hos deg. Ofte brukt i staden for vanleg tilsyn om natta. Antall tilsyn og tidspunkt vert avtala saman med deg. Ved bruk av tilsyn digitalt treng ikkje heimetenesta låse seg inn til deg. Dette gjer at det vert mindre uro for deg og du kan få betre søvn.

Bruk av GPS gjer det mogeleg å sjå kvar ein person oppheld seg. Dette kan enten bli gjort ved at du sjølv trykkjer på ein alarmknapp, eller at tenestene eller pårørande kan gå inn og sjå kvar du er. Vurdering av samtykkekompetanse og krav om personvern vil bli grundig ivaretatt. Lokaliseringsteknolgi er eit godt alternativ for brukarar som ikkje klarar å nytte telefon.

Digital heimeoppfølging er avstandsoppfølging og teknologi som gjer at du kan følgjast opp heime av helse- og omsorgstenesta ved hjelp av ein smarttelefon eller eit nettbrett. 
Digital heimeoppfølgjing nyttar chatfunksjon, sikker videokonsultasjon med helsepersonell og skjema/spørsmål til helseoppfølging.