Om prosjektet På døra
Tema i veke 21 i informasjonsskrivet På døra er arrangementet Folk på Bømlo. På døra vert av postboda levert ut til eit utval personar over 67 år i Bømlo kommune. I tillegg er det informasjon om ein del aktivitetar som skjer denne veka retta inn mot denne målgruppa. I samarbeid med Posten Bring AS vil Bømlo kommune halda fram pilotprosjektet me starta opp i august 2023 med å testa ut ein ny måte å informera om aktivitetar målgruppa kan delta på. I tillegg vil informasjonen innehalda andre aktuelle lokale og nasjonale tema.
Omlag 500 innbyggjarar over 67 år i kommunen er tilfeldig plukka ut som testmottakarar og mottek informasjonsskrivet i postkassa si. Av desse er det omlag 150 som får det levert på døra av postbodet. Det er mogleg å reservera seg mot å delta i dette pilotprosjektet ved å kontakta kommunen, men det er ikkje opning for å melda seg på.
Kontaktpersonar:
Elisabeth Holme Knutsen
rådgjevar kultur og idrett
E-post Send e-post
Mobil 91 16 53 77
Johanne Kristiansen
rådgjevar folkehelse og frivilligheit
E-post Send e-post
Mobil 45 38 26 42