Kunnskapsformidlaren Klaffetelegrafen

- Me ynskjer å formidla variert stoff frå litteldre tider. I årets Klaffetelegrafen har me konsentrert oss om stoff frå andre verdskrig i samband med 80 års fredsmarkeringa,fortel Osvald Gilje.

forsamling ser på film - Klikk for stort bileteSamling i Bremnes sogelag. Bremnes sogelag

Han er medlem i skrivarnemnda til Bremnes sogelag. Dei etablerte seg i 2022 og arbeider med å samla og publisera lokalhistorisk tradisjon og kunnskap frå
nordre del av kommunen.

Signalanlegg frå Napoleonskrigane

Klaffetelegrafen er oppkalt etter det gamle signalanlegget på Sønstabø som skulle varsla om angrep under Napoleonskrigane.

Frå årets Klaffetelegraf er det m.a historien om Alfred Sortland sitt opphald i tyske konsentrasjonsleirar og den dramatiske historia til Unvald Robberstad som var med då tyskarane med slagskipa Tirpitz og Scharnhorst i spissen angreip Svalbard. Elles ei interessant historie om gamleheimar og institusjonar i Bremnes-området.

Laget har om lag hundre medlemar, men har plass til fleire. Ynskjer du medlemskap, er det enklast å melda seg inn med SMS til 918 65 873.

Sogelaget ynskjer både tips og skribentar som kan skriva om ulike historiske tema. Har du tips kan du ta kontakt med Osvald Gilje på mobilnr. 451 42 872

På døra veke 7- Klaffetelegrafen (PDF, 283 kB)

aktivitetskalender - Klikk for stort bileteAktivitetskalender for veke 7 - 9.-15. februar 2026.

Om prosjektet På døra

Tema i veke 7 i informasjonsskrivet På døra er Klaffetelegrafen på Sønstabø. På døra vert av postboda levert ut til eit utval personar over 67 år i Bømlo kommune. I tillegg er det informasjon om ein del aktivitetar som skjer denne veka retta inn mot denne målgruppa. I samarbeid med Posten Bring AS vil Bømlo kommune halda fram pilotprosjektet me starta opp i august i fjor med å testa ut ein ny måte å informera om aktivitetar målgruppa kan delta på.  I tillegg vil informasjonen innehalda andre aktuelle lokale og nasjonale tema. Omlag 500 innbyggjarar over 67 år i kommunen er tilfeldig plukka ut som testmottakarar.