Moloen klar for byggjestart
Vassbakk & Stol AS fekk kontrakten frå Vestland fylkeskommune om å byggja moloen til fiskerihamna i Hovlandshagen innanfor ei øvre ramme på 165 millionar kroner. Arbeidet omfattar bygging av ein 500 meter lang molo med kai og ei djupne på 40 meter.
– Byggjestart vil bli til våren. Me reknar med ei byggjetid på om lag to år. Fiskerihamna er ønskt av både kommunen og næringslivet. For at me skal få rask bygging, har både kommunen, og selskapet bak Bømlo fiskerihamn, forskottert kostnadane. Fylkeskommunen skal betala summen attende når me får budsjettrammene i 2024, seier prosjektleiar for fiskerihamna i Vestland fylkeskommune Marius Nesse.
Les heile pressemeldinga frå Vestland fylkeskommune
Sist endra 02.11.2021 14:10