Bømlo kommune har den siste tida mottatt mange førespurnader om straumstøtteordninga frå hytte- og bustadeigarar. Kommunen har ingen ting med straumstøtteordninga å gjera. Firma som gjev straumstøtte brukar bygningsopplysningar i matrikkelen for å finna ut om du har rett på straumstøtte.
Følgjande registreringar i matrikkelen gjev ikkje rett til kompensasjon:
162 Heilårsbustad brukt som fritidsbustad
163 Våningshus brukt som fritidsbustad
Du har rett til støtte
Administrerande direktør i interesseorganisasjonen Norsk Kommunalteknisk Forening (NKF) har tolka reglane slik at dersom du skal få straumstøtte for hytta, må den vera registrert som primærbustad eller sekundærbustad.
Les artikkelen her.
NVE har stadfesta at ein kan få kompensasjon for alle bustader ein eig.
Matrikkelen definerer likevel ikkje kva som er din primærbustad eller sekundærbustad.
Les kva skatteetaten seier om sekundærbustad.
Kven kan få straumstøtte
Dersom du har ein eigedom som i matrikkelen er registrert som eit av punkta under kan du få støtta dersom du først krev ei retting i matrikkelen:
162 Heilårsbustad brukt som fritidsbustad
163 Våningshus brukt som fritidsbustad
Eigedomar som er bygd og registrert som fritidsbustader/hytter er ikkje omfatta av ordninga, og kan ikkje krevjast retta i matrikkelen.
Retting i matrikkelen
Dersom bygningen din i utgangspunktet er godkjent som bustad etter plan og bygningslova, kan du sende kravet om retting av matrikkelen til postmottak@bomlo.kommune.no.
Dette vil føra til at du kan motta straumstøtte.
Krav om retting i matrikkelen (PDF, 217 kB)
Konsekvensar:
Kravet ditt om retting i matrikkelen kan medføra at du framtidig kan få endring i offentlege avgifter, i grunnlaget for eigedomsskatt og anna. Det vil heller ikkje vera kurant å fremja ytterlegare krav om retting av bygningskode etter endring er gjort. Ny endring i matrikkelen må i så fall skje via vanleg søknad om bruksendring etter plan- og bygningslova.
Bruksendring
Kommunen gjev ikkje løyve til bruksendring frå fritidsbustad til bustad i område som er regulert til fritidsbusetnad. Ligg fritidsbustaden i eit bustadområde kan det vera mogleg å søkja om bruksendring. Ta kontakt med eit firma som kan hjelpa deg med dette.
Her kan du sjekka kva eigedomen din er registrert som i matrikkelen
Kven skal du kontakta
Dersom du har ein eigedom du meiner kjem inn under ordninga må du ta kontakt med nettleverandør. Dei veit også korleis din eigedom er registrert.
Kontaktinformasjon Bømlo kraftnett