Meddommarar

Eit vanleg rettsprinsipp er at ein skal dømmast av sine likemenn. Lekfolk spelar difor ein viktig rolle i vårt rettssystem. Som meddommar får du høve til å vere deltakar på eit viktig samfunnsområde. 

• Kommunestyret vel meddommarar til lagmannsretten, tingretten og jordskifteretten.
• Valet føregår året etter kvart kommunestyreval. 
• Meddommarar blir valde for fire år og kan bli attvalde. 
• Me skal rekruttera nye meddommarar i løpet av våren 2024. 

• Meddommarutval blir danna for tingretten, lagmannsretten, og jordskifteretten, med separate utval for kvinner og menn i samsvar med domstolloven og jordskifteloven. 
• Kommunen skal også fremje forslag til skjønnsmedlemmer som vert valde av fylkestinget. Valet skjer i kommunestyremøtet i juni 2024.
• Ein meddommar er ein person utan juridisk utdanning som deltek i behandlinga av rettssaker saman med domstolen sine eigne fagdommarar. 
• Meddommarar deltek i straffesaker og kan delta i tvistar i sivile saker ved krav. Dei kan også stille spørsmål under rettsmøter.  Spesialiserte roller inkluderer jordskiftemeddommarar i jordskifteretten og arbeidslivskunnige meddommarar i arbeidslivssaker. 
• Meddommarutval blir danna for tingretten, lagmannsretten, og jordskifteretten, med separate utval for kvinner og menn i samsvar med domstolloven og jordskifteloven.

Les meir om Kva er ein meddommar? 

Krav til kandidatar

Det er eit ynskje om mangfald blant søkjarar for å representere eit gjennomsnitt av befolkninga. Du kan forventa å bli kalla inn 1-3 gonger årleg for saker som varer frå ein halv dag til fleire veker.

Du må:

• snakke og forstå norsk, og elles vere personleg eigna til oppgåva
• ha fylt 21 år og vere under 70 år når du blir vald
• stå innført i folkeregisteret som busett i Bømlo kommune når valet blir gjennomført
• vere norsk eller nordisk statsborgar, eller ha stått registrert i folkeregisteret som busett i Norge dei siste tre åra

Du kan ikkje vere:

• frådømt stemmeretten
• under offentleg gjeldsforhandling, konkursbehandling eller i konkurskarantene
• dømd for visse straffbare forhold

Har du følgjande type stilling, kan du ikkje stille til val:

• stortingsrepresentant
• dommar og tilsett ved domstolane
• tilsett ved påtalemakta og i politiet
• tilsett og student ved Politihøgskolen og Fengselsskolen
• praktiserande advokat og advokatfullmektig

Dette er i henhald til domstollova

Send søknad om å bli Meddommar/skjønnsmedlem - kandidat til verv

• Skjønnsmedlemmene (tidlegere kalla skjønnsmenn) kan langt på veg karakteriserast som ein type sakkunnig meddommar. 
• Dei deltar både i lagmannsretten, tingretten og jordskifteretten i rettslege skjønn og overskjønn (skjønn i lagmannsretten). 
• Slike skjønn er ei form for rettargang der formålet som regel er å fastslå verdien av eigedom, eller verdien av rettar i fast eigedom.
• Skjønn blir mest brukt i samband med ekspropriasjon, og når område blir verna i medhald av lov om biologisk mangfald. 
• Skjønnsmedlemmene skal alltid utgjere fleirtalet målt mot talet på fagdommarar.

Har du spørsmål om ordninga eller søknadsprosessen, ta kontakt med Valnemnda sitt sekretariat:

Vanja Espeland

Tlf.: 480 17 825

Send e-post

Lær meir om ordninga på domstol.no

Tingrettane er første nivået i domstolssystemet i Noreg. I straffesaker blir tingretten til vanleg sett med éin fagdommar og to meddommarar. 

I sivile saker blir tingretten til vanleg sett med éin fagdommar. I nokre tilfelle blir retten sett med to eller fire meddommarar, eller med fagkunnige meddommarar.

Lagmannsretten er det andre nivået i det norske domstolssystemet. Denne retten er ankedomstol i både straffesaker og sivile saker. I straffesaker blir lagmannsretten sett med to fagdommarar og fem meddommarar.

I nokre sakstypar blir retten sett med berre tre fagdommarar. I sivile saker deltar som regel berre tre fagdommarar, men i nokre sakstypar (t.d. barnevernssaker) skal det vere med meddommarar. I andre saker kan det, dersom partane ønskjer det, vere med anten to eller fire meddommarar. 

Du kan lesa meir om rettssystemet på nettsidene for meddommarar