Om planvask
Planvask går ut på å oppdatere og revidere arealplanar ved å vurdere og eventuelt endre kva eit område skal nyttast til eller korleis det kan byggjast i området. Føremålet med dette er å sikre at plangrunnlaget er oppdatert med omsyn til dagens kunnskap, lovverk og politikk. Dette vil være meir forutseieleg for grunneigara, utbyggjarar og kommunens saksbehandlarar.
Vurderingane i planvasken framgår av eigne planvaskdokument.
Føremål i kommuneplanens arealdel (KPA)
Det har vært eit generelt problem i mange kommunar at ein i rullering av kommuneplanens arealdel tar inn nye områder til utbygging og sjeldan tar ut gamle. Dette har ført til store arealreservar i kommunane, og i tillegg er mange av dei gamle områda ikkje vurdert etter dagens krav og registreringar, då ein berre gjer konsekvensutgreiingar (KU) på dei nye areala. Ein planvask vil gjere at ein større del av avsette områder til utbygging er reelle og realistiske. Det vil framleis kunne være tema/kunnskap som må avklarast i ein reguleringsplan og delar av areala som er sett av i KPA vil dermed kunne få anna føremål i samband med utarbeiding av slik reguleringsplan også etter gjennomført planvask.
Det er omtrent 1000 arealflatar med utbyggingsføremål, som ikkje ligg i gjeldande reguleringsplanar.
Gjeldande reguleringsplanar
Reguleringsplanar må vurderast opp mot gjeldande føringar, som til dømes nye registreringar, strengare jordvern og strandsoneforvaltning, og krav til kvalitet på reguleringsplanar. Bømlo kommune har ca. 265 vedtekne reguleringsplanar. Blant disse er det planar som ikkje ivaretek gjeldande føringar godt nok eller som er ferdig utbygd og kan ivaretakast godt nok direkte i KPA.
Planvasken av reguleringsplanane angir kva føremål i reguleringsplanane som skal vidareførast i KPA og eventuelt kva som skal tas ut/endrast til LNF, samt ein anbefaling av om sjølve reguleringsplan bør opphevast eller vidareførast.
Før eventuell oppheving av ein reguleringsplan vil grunneigarar bli varsla med brev om dette. Dersom reguleringsplan ikkje blir oppheva vil den gjelde saman med KPA og dersom det er motstrid mellom planane, så er det den nyaste planen som gjeld.
Metode for planvask
I forslaget som var på høyring i 2024 var det starta litt på planvask. Det var foreslått å ta ut nokre få urealiserte areal som var avsett til bustad, og det blei gjort ein forenkla gjennomgang av gjeldande reguleringsplanar. I høyringa fekk me tilbakemelding på at dette ikkje var godt nok og Statsforvaltaren varsla at manglande planvask gir grunnlag for motsegn.
Etter høyringa er det utarbeida eit notat som omtaler metode og prinsipp for planvasken, denne var oppe til formannskapet til godkjenning i møte 09.05.2025. Formannskapet godkjente notatet, men la til eit par tilleggspunkt, blant anna om at notatet skal bli vurdert etter at det er gjennomført møte med Statsforvaltar og fylkeskommune for å diskutere nivået på planvasken, og ein ser meir omfanget av arbeidet.
Etter gjennomført møte med Statsforvaltaren i Vestland og Vestland fylkeskommune blei notatet revidert og sendt til ny godkjenning i formannskapet 28.08.2025. Under ligg dokumenta frå dette formannskapsmøte.
Politisk godkjenning av planvask
Administrasjonen gjennomførte planvask i samsvar med metoden omtalt i notatet. Etter administrasjonen var ferdig har arbeidsgruppa gått gjennom dette og føreslo endringar. Det vart skreve politisk sak til formannskapet for godkjenning.
Formannskapet fekk all planvasken opp til godkjenning 16.04.2026, men arbeidsgruppa var ikkje ferdig med alt og formannskapet godkjente det arbeidsgruppa hadde gått gjennom og utsatte resten. Under ligg dokumenta frå formannskapsmøtet.
Resterande planvask skal opp til godkjenning i møte 21.05.2026.
Merknader til planvask
Me ønsker merknadar til gjennomført planvask om de har dette, og ber om at merknadane blir sendt inn når planen blir lagt ut på høyring.