Rask psykisk helsehjelp

Me tilbyr vegleia sjølvhjelp, undervisningsgruppe/kurs, gruppebehandling og individuell behandling. Tilboda er hovudsakleg basert på kognitiv terapi, og tek sikte på at du skal læra teknikkar for å handtera vanskelege kjensler på ein meir hensiktsmessig måte. 

Målsetjinga med RPH er at du får kome til raskt, men det kan oppstå venting. 

For at du skal nyttiggjere deg av tilbodet må du vera motivert, klar for å jobba med utfordringane du har og at du tek aktivt del i behandlingsprosessen.  

Tilbodet passa for deg som:

• har kjent deg trist og nedstemt
• har angst i sosiale situasjonar
• opplev ofte panikkanfall
• opplev å stresse mykje i kvardagen
• slit med grubling og bekymring ynskjer å utforska og eventuelt endre dine rusvanar

Me veit at depresjon og angst er ein vanleg årsak til sjukefråvær og redusert livskvalitet. I slike tilfelle er det lurt å oppsøkja hjelp tidleg, slik at problema ikkje får utvikla seg. 

Tilbodet passa ikkje for deg som:

• treng langvarig oppfølging/behandling
• har alvorleg grad av angst, depresjon, søvnvanskar og/eller rusvanskar.
• har komplekse og samansette utfordringar som har vart over tid
• ikkje er motivert for å vera aktiv i behandlingsprosessen