FritidskontaktEin fritidskontakt også kalla støttekontakt hjelper deg som treng tilrettelegging for å delta i sosiale aktivitetar og få ei meiningsfull fritid. Kva er ein fritidskontakt: Fritidskontakten skal vera med å leggja til rette for at brukaren: Kan delta i ulike fritidsaktivitetar/ tilbod Får utvida det sosiale nettverket sitt Få støtte på eigne premiss og oppleva meistring Kven kan søkja: Barn og unge som har behov for fritidskontakt på grunn av alder, funksjonshemming eller sosiale vanskar. For å få ein fritidskontakt må du ha eit behov som er av ein slik art at den det gjeld har rett til nødvendig helse- og omsorgstenester frå kommunen. Ein må vera busett i Bømlo kommune. Kva kostar det: Det er gratis å motta fritidskontakt men barn og unge som mottar fritidskontakt må sjølve dekka sine utgifter til den aktuelle aktiviteten. Dersom du er avhengig av eit følgje kan du ha rett på følgjeprov, då kan fritidskontakten din få gratis inngong til enkelte aktivitetar. Slik søkjer du I søknaden skriv du kva du treng hjelp til og kvifor du søkjer. Skjema for søknad om fritidskontakt og følgjeprov (PDF, 375 kB) Om nokon hjelper deg med å fylla ut søknaden må du samstundes fylla ut ei skriftleg fullmakt og senda den med søknaden. Send søknad til: Barne- og familietenesta Sosiale tenester barn og unge Leirdalen 1 5430 Bremnes Kor kan du få meir informajson? Har du spørsmål eller treng hjelp til å fylla ut søknaden? Ring oss på telefon: 53 42 33 30 Korleis blir søknaden behandla og kor lang tid tek det? Det er sosiale tenester barn og unge som behandlar søknaden din. Dei tek kontakt med søkjar for å kartleggje hjelpebehov. Sosiale tenester sender deg eit vedtak etter kartlegging. Om søknaden ikkje kan avgjerast innan fire veker, får du ei skriftleg melding om grunnen til det. Kan du klaga om du ikkje får innvilga søknaden? Du kan klaga på vedtaket innan fire veker frå du fekk brevet. Grunngje kvifor du klagar. Treng du hjelp til å skriva klagen? Ring oss på telefon: 53 42 33 30 Vil du bli fritidskontakt? Har du lyst til å hjelpa andre til ei meiningsfull fritid? Du må vera interessert i å jobba med barn og unge og ynskjer å vera med å bidra til at andre får ei meiningsfull fritid. Det er ingen krav til fagleg utdanning, men ein legg stor vekt på personlege eigenskapar. Oppdraget kan variere frå 3 til 5 timar i veka. Ynskjeleg at ein kan binda seg til oppdraget for ein lengre periode, helst eit år. Alle må levera politiattest. Søknad kan sendast til oss på e-post eller som brev. Kontakt oss: Postadresse: Sosiale tenester barn og unge, Rådhuset, Leirdalen 1 5430 BREMNES Gro Marita Våge Tulloch Mobil: 468 92 130 epost:gmv@bomlo.kommune.no Cecilia Rodrigues Thormodsæter Mobil: 470 39 912 epost: cecilia.thormodsaeter@bomlo.kommune.no Julie Teige Mobil: 948 09 359 epost: julie.teige@bomlo.kommune.no Timeliste for fritidskontakt - barn og unge (PDF, 1005 kB) Sist endra 07.09.2023 12:44