Som vaksen kan du ha tileigna deg realkompetanse gjennom skule, kurs, arbeidserfaring, fritidsaktivitetar og på andre måtar.
For deg som har gjennomført grunnskule i heimlandet, men manglar dokumentasjon, har kommunen ansvar for å vurdere om kunnskapane dine i faga norsk, engelsk, matematikk, naturfag og samfunnsfag er så gode at du kan meistre nivået på vidaregåande skule. Det betyr at du må vurderast i forhold til måla i Læreplaner for førebuande opplæring for vaksne (FOV), og du må oppnå karakteren 2 eller betre for å få bestått.
Realkompetansevurdering er gratis for deg som er busett i Bømlo kommune.
Ta kontakt med Bømlo vaksenopplæring på telefon 53 42 36 90 eller epost bvopost@bomlo.kommune.no dersom du har spørsmål eller ønskjer meir informasjon. Vår besøksadresse er: Svortlandsvegen 17, 2.etasje 5430 BREMNES.
På utdanningsdirektoratet si heimeside kan du lese meir om retningslinjer for realkompetansevurdering i vaksenopplæringa.