Verdsdagen for psykisk helse

Verdsdagen for psykisk helse vert markert 14. oktober kvart år. 

I Bømlo kommune har me lang tradisjon for markering av dagen.

I år vert Verdsdagen for psykisk helse markert med fire arrangement i Bømlo kulturhus den 14. oktober. 

På dagtid deltek elevar i frå ungdomsskulane, Bømlo vidaregåande, Bømlo vaksenopplæring og Bømlo folkehøgskule. 

På kveldstid - 19:00 er arrangementet ope for alle interesserte; foreldre, fagfolk og andre som er interesserte i det som Oliver Bergset har å fortelja. Billettar kan kjøpast på Bømlo kulturhus si side og kostar kr. 150. Inntektene i frå dette arrangementet er med på å finansiere arrangementet for skuleelevane på dagtid. 

Program: Kulturelt innslag  -  Føredrag ved Oliver Bergset  - Panelsamtale der Oliver Bergset deltek saman med ungdommar og ulike fagfolk. 

 

Oliver Bergset management

Oliver Bergset

Oliver Bergset er årets førelesar. Han er ein av Norges mest kjende unge stemmer i sosiale medium og jobbar som programleiar i NRK. Han vart først kjend gjennom humorvideoar, men i dag brukar han plattforma si til å snakke om psykisk helse, tilhøyrsle og det å tørre å vera seg sjølv. 

I møte med ungdom er Oliver oppteken av tillit - til seg sjølv og kvarandre. Hans snakkar om korleis små handlingar i kvardagen kan bety mykje: å bry seg, inkludere og seie i frå når noko er vanskeleg. Med humor, ærlegdom og eigne erfaringar skaper han eit rom der det blir lettare å snakke om det som ikkje alltid er er så lett. 

Kva betyr det eigentleg å høyre til - og kva kan du gjere for at andre skal gjere det?