Bømlo si dagsturhytte

Dagsturhytta er eit lågterskeltilbod for turgåarar- eit turmål, ein plass å ete nista si, ein stad å få litt varme i seg - og ein stad mange kan nå.

Prosjektet er eit samarbeid mellom Vestland fylkeskommune, Sparebankstiftinga/Sparebanken Sogn og Fjordane og kommunane.

Bilde av dagsturhytta på Barmane - Klikk for stort bileteDagsturhytta på BarmaneBømlo si dagsturhytte finn du på Barmane/Goddo og har fått namnet  "KUREBU"

Sjå filmen om Kurebu her

Hytta har eit rom på ca 17 m2, ein liten hems og har solcellepanel og vedomn. Hytta er utstyrt med eit minibibliotek med bøker til bruk på staden. Rundt hytta er det bygd terrasse med sitjeplassar. Det er utedo i tilknyting til hytta.

Bømlo kommune har inngått tilsynsavtale med Bømlo turlag for hytta.

Korleis kjem du til hytta?

Køyr riksveg 5004 via Urangsvåg til Kinnestraumen bru. Skilta parkering til Helgeplass.

Bruk basert på tillit

Dagsturhytta vil stå open og ulåst for alle. Med dette legg ein opp til at ein stoler 100 % på dei som besøker hytta. Det er ikkje lov å overnatte, og det er heller ikkje høve til å koka mat i hytta. Hundar skal ikkje inn i hytta.

Dagsturhytta er no ferdigstilt, men på grunn av situasjonen rundt koronaviruset, har Bømlo kommune valt å halda hytta stengt inntil vidare. Hytta vil bli opna når risikoen for smitte er låg nok til at dette er forsvarleg.

Ved spørsmål ta kontakt med rådgjevar for kultur og idrett på tlf 911 65 377 eller ekn@bomlo.kommune.no 

 

Til toppen