Utsleppsløyve større anlegg

• Eit avlaupsanlegg frå og med 50 pe (personekvivalentar) og med eit samla utslepp opp til 2000 pe til ferskvatn eller elvemunning eller til 10 000 pe til sjø vert rekna som eit større avlaupsanlegg.
• Som standard reknar me 5 personar per bustad. Det er også nyttig å rekna tal sengjeplasser i bustaden/fritidsbustaden.
• Større avlaupsanlegg vert behandla etter kapittel 13 i forureiningsforskrifta der kommunen er forureining- og avgjerdsmynde. 
• Les meir om større avlaupsanlegg hjå miljødirektoratet.

Du må få hjelp frå fagkyndig firma til å prosjektera anlegget og senda inn søknad om utsleppsløyve. Vanlegvis kan fagkyndig konsulent hjelpa deg. Det kan ta litt tid å skaffe naudsynt informasjon, så det er lurt å starta prosessen tidleg.

I Bømlo kommune er det vanleg å senda inn søknad om utsleppsløyve saman med byggjesøknaden.  Du må knyta til deg ein kvalifisert søkjar som skal vera bindeledd mellom deg og kommunen.  Den som søkjer for deg må oppfylla kvalitetskrava som er sett i plan- og bygningslova.

Forureiningsforskrifta kapitel 13 krev at alle nye reinseløysingar skal ha dokumentasjon gjeve av nøytrale fagkyndige. Du står fritt til sjølv å velja fagkyndig firma. 

Vanlegvis er det kommunen som søkjer om utslepp etter kapittel i forureiningsforskrifta. Partslag kan i nokre tilfelle søkja om løyve, men då må kommunen har godteke at partslaget eig det aktuelle avlaupsanlegget.

Det er nøytralt fagkyndig firma som må utarbeida og senda inn søknad om utsleppsløyve. Nabovarsel for avlaupsanlegg har fire vekers svarfrist. Søknad om utsleppsløyve har inntil seks veker saksbehandlingstid.

Rettleiing til å søkja utslepp frå større avlauspanlegg  (PDF, 397 kB)

Søknaden må minimum innehalda:

• Den ansvarlege sitt namn og adresse
• Opplysningar om utsleppet skal etablerast og drivast i samsvar med standardkrav i kapittel 13, eller om det skal søkjast om å fråvika desse krava
• Dokumentasjon på korleis utsleppet skal etablerast og driftast 
• Plassering av reinseanlegget og utsleppsstaden på kart i målestokk 1:5000 eller større
• Utsleppet sin storleik i pe. Eitt hus er 5 pe. På felles reinseanlegg over 50 pe skal pe utreknast etter NS9426
• Skildring av utsleppsstaden, korleis det blir utført og djupne
• Interesser som ein reknar med vert råka av etableringa, slik som interesser knytta til drikkevassforsyning, rekreasjon eller næringsverksemd
• Oversikt over kven som er nabovarsla og kvittering for at varsel er sendt
• Samtykke frå planavdelinga i kommunen dersom utsleppet er i strid med vedtekne arealplanar etter plan- og bygningslova
• Kopi av eventuelle uttaler

Grunntilhøva på eigedomen og avstand til ulike brukarinteresser, slik som til dømes drikkevatn, badeplass og jordvatning, bestemmer kva avlaupsløysing som bør veljast og kvar anlegget kan plasserast. Avlaupsanlegget og utsleppet må ikkje bli til ulempe for omgjevnaden. 

Eit fagkyndig firma hjelper deg med å få gjennomført grunnundersøking, prosjektering av anlegget og sender inn søknad om utsleppsløyve. Søknaden blir behandla av bygningsmynde i Bømlo kommune. Me kan gje noko vegleiing undervegs.

Les i forskrifta om begrensing av forureining kapitel 13 om krava til utslepp av kommunalt avlaupsvatn frå mindre tettbebyggelse.