Yuliia Khilinska har mellom anna blitt brukt som tolk under Ordførarkaffien der Morten Helland ynskjer velkomen nye innbyggjarar til Bømlo.
Simon Knutsson Sortland
Formannskapet tildelte i sitt møte 6. november Eldsjelprisen 2025 til Yuliia Khilinska.
Hjarte for andre
Khilinska kom frå krigsherja Ukraina til Noreg i 2022. Ho har gjort eit imponerande og hjertevarmt arbeid for for både lokalsamfunnet på Bømlo og menneske i Ukraina sidan ho kom. På kort tid har Yuliia blitt eit førebilete på inkludering, engasjement og ekte omsorg for andre.
Yuliia Khilinska engasjerte seg tidleg som tolk, har vore aktiv i Bømlo frivilligsentral og i i den frivillige organisasjonen Be to Be under solidaritetsmarkeringa, og elles i innsamlingsaksjonar, veving av kamuflasjenett m.m. Ho bidreg også aktivt til integrering gjennom språk, arbeid og sosiale møteplassar.
Gjennom alt Yuliia er med på visar ho eit smittande engasjement, stort hjarte og eit urokkeleg ynskje om å gjere verda rundt seg betre. For denne store innsatsen får ho årets eldsjelpris som blir delt ut på nyttårskonserten til Bømlo janitsjar.
Me gratulerar Yuliia Khilinska med Eldsjelprisen 2025!