Fallførebyggjande kurs startar i januar

Tidlegare kurs har vist gode resultat med betre balanse og styrke, og dermed mindre fallfare for deltakarane. No kan du melda deg på til fallførebygjande kurs som har oppstart i januar neste år.

kvinne går med hjelpemiddel - Klikk for stort bileteSeks vekers kurs i fallførebygging. Illustrasjonsfoto Kathrine Tislevoll Nygård

- Kurset er for deg som føler deg ustø, som er redd for å falle eller har falt. Du må kunna gå inne utan ganghjelpemiddel for å vera med, opplyser verksemdleiar i ergo- og fysioterapitenesta Kathrine Nygård.

Fysioterapeut vil i forkant av kurset testa balansen din for å sjå om du er i målgruppa. Treninga er i gruppe instruert av fysioterapeut, og startar i januar.

Tolv vekers kurs

Det blir trening to gongar i veka i seks veker, og deretter ein gong i veka i seks nye veker. Tidlegare kurs har vist gode resultat med betre balanse og styrke, og dermed mindre fallfare for deltakarane. Dette er ei god investering i eiga helse når balansen sviktar.

Ta kontakt med verksemdleiar i ergo- og fysioterapitenesta Kathrine Nygård - tlf. 53 42 33 42 for å melda deg på.