Bømlo kommunestyre med hesteskoformasjon i 2026.
Simon Knutsson Sortland
Kommunedirektør Kjetil Aga Gjøsæter og økonomisjef Jarle Nakken orienterte om “rikets tilstand” for kommunestyrepolitikarane som no er gruppert i hesteskoformasjon. Noko fleire av representantane sa seg veldig nøgde med.
Nakken er pensjonist frå 1. mars i år. I si siste orientering melder han om at drifta stort sett gjekk i balanse, men rekneskapen for 2025 går i minus.
Hovudårsak til dette er svikt i høve budsjett på:
- Skatt og inntektsutjamning - minus 3,7 mill. kr
- Havbruksinntektene - minus 3,9 mill. kr
- Flyktningeinntekter - minus 6,8 mill. kr (introduksjonsstønad +2,5 mill. kr)
- Finans inkl. renter av kassakreditt - minus 3,4 mill. kr
- Seksjonsdrift inkl. pensjonsutgifter - minus 4,8 mill. kr
På den positive sida bidreg overskotet i KLP til å styrkje kommunen sitt premiefond, noko som styrker kommunen sin likviditet framover.
- Kommunen har budsjettert med 532 millionar kroner i skatteinntekter for 2026, noko me ligg an til å nå basert på årets første månad og anslaget frå Skattedirektoratet. Frå og med i år vil kommunen få skatteinntektene utbetalte kvar månad. Det gjer det enklare å planleggje og gir betre oversikt over økonomien gjennom året, sa kommunedirektøren i si orientering.
Investeringar går som planlagt
Sjukefråværet steig frå oktober til desember, særleg i oppvekst. Langtidsfråværet auka også, og kommunen har difor styrkt arbeidet med nærvær og arbeidsmiljø. I januar hadde me HMS‑kampanje om risikovurdering, og frå 2026 er krava til det psykososiale arbeidsmiljøet tydelegare i arbeidsmiljølova.
Fleire investeringsprosjekt held fram som planlagt. Kommunen ventar framleis avklaringar etter konkursen i brannstasjonsprosjektet. - Me har starta ei ekstern gjennomgang av drifta for å få betre grunnlag for omstillingar, og arbeidet med nytt anbod for velferdsteknologi er i gang. NOU 2026:1 om ein berekraftig kommunesektor er på høyring og blir politisk handsama seinare i vår, opplyste kommunedirektør Aga Gjøsæter.
Kommunal kai seld
Ordførar Morten Helland kunne opplysa at arbeidsgruppa vil leggja fram planvask (ca 1000 føremålal i KPA og 267 reguleringsplanar) og metode for byggjegrense til sjø til formannskapet 16. april for å verta lagt ut på høyring ut juni. Den kommunale kaien i Brubakken er avhenda, utan at ordføraren kunne gi fleire detaljar no. Sesongstart i Moster amfi er planlagt til 1. mai, og konstituert dagleg leiar er Gro Jensen Gjerde fram til ny er tilsett. Kommunestyret får 23. mars til handsaming høyringsuttale til Kommunekommisjonen sin første rapport.
Unni Seim (SV) fekk fleirtal for sitt framlegg om løærarnorma i grunnskulen.
Skjermdump kommune-tv
Fleirtal for lærarnorma
Kommunestyret vedtok samrøystes formannskapet si innstilling i saka om KS sitt debatthefte Tid for taktskifte. Unni Seim (SV) sitt tilleggspunkt derommunestyret ber om at KS bidrar til å sikra likt skuletilbod i heile landet gjennom å oppretthalda lærarnormen i grunnskulen vart vedteke med 17 mot 10 røyster.
Møteinnkalling og protokoll kommunestyremøte 16.02.2026
Sjå arkivopptak frå kommune-tv
(beklagar at orienteringssakene er utan lyd og teksting)