Dam i utløpet av Vikavatnet.
Norconsult
På oppdrag frå Vestland fylkeskommune har Norconsult gjennomført habitatkartlegging i åtte bekkar og elver i Bømlo kommune, som del av arbeidet i Sunnhordland vannområde. Kartlegginga omfattar både fysiske inngrep, vandringshinder og fisketettleik. Dette er viktige faktorar for å vurdera den økologiske tilstanden i vassdraga.
Undersøkingane har inkludert:
- Generell habitatkartlegging etter metode for små sjøaurebekkar (Pulg m.fl. 2011)
- Elektrisk fiske for å måle fisketettleik og artsmangfald
- Registrering av fysiske inngrep og vandringshinder
- Vurdering av påverknad på økologisk tilstand
- Forslag til tiltak for å betre forholda i kvart vassdrag
Kartlagde vassdrag
Følgjande lokalitetar er undersøkt:
- Selselva (utløp frå Selsvatnet)
- Storavatnet (utløps- og innløpsbekk ved Hollund)
- Stokkabekken
- Folderøyvatnet (utløpsbekk og to innløpsbekkar)
- Bekk frå Sætre til Ådnanesosen
- Grutlebekken
- Tjongbekken
- Vikavatnet (utløpsbekk og to innløpsbekkar)
Desse bekkane høyrer til to større vassførekomstar: Bekker Bømlo sør og Bekker Bømlo nord, som i dag har høvesvis svært god og god tilstand i Vann-nett. Det vert tilrådd å dele desse inn i mindre einingar for betre lokal forvaltning.
Kartlegginga gir eit godt grunnlag for vidare arbeid med å betre miljøtilstanden i vassdraga. Det er foreslått konkrete tiltak for kvar lokalitet, som kan bidra til å gjenoppretta naturlege forhold og styrka bestanden av sjøaure og anna vasslevande liv.
Dette er eit viktig steg i arbeidet med å ta vare på naturmangfaldet i kommunen og sikre berekraftige vassdrag for framtida.
Les heile rapporten Habitatkartlegging av sjøauretbekkar på Bømlo 2024 (PDF, 12 MB)