Høyring om bruk av termiske siktemiddel ved hjortejakt

Bømlo kommunestyre vedtok å senda forslag til lokal forskrift om bruk av restlysforsterkande og termiske siktemiddel ved jakt på hjort ut på offentleg høyring. Fristen for å senda innspel er 5. januar 2027.

dyr i utkant av skog - Klikk for stort bileteHjort i skogskråning. Geir Einarsen

Den nye viltressurslova tok til å gjelda 1. juli 2026. Viltressurslova §26 forbyr i utgangspunktet bruk av termiske siktemiddel til jakt, men Forskrift om utøvelse av jakt, felling og fangst opnar for enkelte unntak. Kommunen kan opna for bruk av restlysforsterkande og termiske siktemiddel gjennom ei lokal forskrift. Etter §29a i forskrifta må målet vera å hindra alvorleg skade på natur- eller samfunnsinteresser som følgje av ein stor viltbestand.

Bømlo kommunestyre vedtok 2. november 2026 å senda forslaget på høyring. Bakgrunnen er meldingar om store beiteskadar frå hjort på eng og beite både sør og nord i kommunen. 

Digital innsending av merknad

Dette er forslaget til forskrift

"Forskrift om opning for bruk av restlysforsterkande og termiske siktemiddel ved jakt på hjort i Bømlo kommune:
Bømlo kommune fastset denne forskrifta med heimel i forskrift om utøvelse av jakt, felling og fangst §29a.
§1 Opning for bruk av restlysforsterkande og termiske siktemiddel til hjortejakt i Bømlo kommune. 
Jegerar kan bruka restlysforsterkande og termiske siktemiddel ved jakt på hjort i ope terreng i Bømlo kommune. Ved ettersøk av påskoten hjort kan jegerar også bruka restlysforsterkande og termiske siktemiddel utanfor ope terreng.
§2 Plikt til å rapportera bruk av siktemidla
Jegerar skal rapportera bruk av restlysforsterkande og termiske siktemiddel ved felling av hjort i Hjorteviltregisteret.
§3 Når forskrifta skal ta til å gjelda
Forskrifta skal ta til å gjelda 1. april 2027."

Heimelen er lov 20. juni 2025 nr. 102 om jakt, fangst og felling av vilt mv. (viltressurslova) §26 og forskrift 22. mars 2002 nr. 313 om utøvelse av jakt, felling og fangst § 29a.

Høyringsinnspel kan også sendast til Bømlo kommune, Rådhuset Leirdalen 1, 5430 Bremnes eller på e-post til postmottak@bomlo.kommune.no innan 05.01.2027.