Trafikksikringsplanen dannar grunnlag for kva tiltak som vert prioriterte i åra framover og er også grunnlag for å søkja om tilskotsmidlar frå m.a. Vestland fylkeskommune.
Me ber no om innspel når det gjeld fysiske tiltak som de meiner bør inn i planen. Trafikksikringsgruppa i kommunen kjem til å gå igjennom alle innspela og det blir laga eit utkast til ein plan i løpet av hausten 2025. Planen er at denne vert send på høyring om lag i desember og planen skal handsamast politisk våren 2026.
Alle kan komma med innspel, men det er fint om de tek kontakt med grendautval/krinslag/grendalaget der de bur før innsending, slik at det blir sendt mest mogleg samla innspel i frå bygda/krinsen.
Innspel som er komne inn i samband med tidlegare planarbeid vert gjennomgått av trafikksikringsgruppa, men det vert ikkje noko automatisk vidareføring av forslaga inn i den nye planen. Dersom de meiner at tidlegare innspel bør vera med i planen, ber me om ny innsending.
Me ber om at innspela inneheld følgjande informasjon:
Nummer på vegen (td. Fv18, KV1173)
1. Marker problempunktet/- strekninga i google maps/streetview)– link og legg ved utsnittet Google Maps
2. Skildringa av problemet
3. Kva meiner du/de bør gjerast?
Send ditt innspel her innan 3. oktober 2025
Vedlegg:
Gjeldande trafikksikringsplan for Bømlo kommune (PDF, 3 MB) Trafikksikring - Bømlo kommune