Vigdis Mæland (t.v), Heine Gjøsæter Lykling, Aron Hiim Hollund og Shahad Abdallah Aldaif reiser saman med resten av klasse 10C ved Bremnes ungdomsskule til Stortinget og 22. juli-senteret.
Simon Knutsson Sortland
Lærarane Britt Jorunn Rolfsnes og Ellen M. Thorland tek med seg sine elevar i klasse 10 C på skuletur til hovudstaden med omvising på Løvebakken og 22.-julisenteret. Det var eit forventningsfullt firkløver som dagen før avreise kunne fortelje om bakgrunnen for turen og sine forventningar.
Lær om Stortinget
“Valet er ditt”
- Me har i grunnen hatt mykje om val og demokrati sidan barneskulen, men særleg i samfunnsfagtimane i 10. klasse, seier Aron Hiim Hollund.
- I haust har me delt klassen opp i grupper som representantar for ulike ungdomsparti, og så har me debattert med kvarandre, legg Heine Gjøsæter Lykling til. Det er heldigvis ikkje som i USA, for her heime er det ikkje så veldig stor forskjell om det er Ap eller Høgre som sit med makta. Han er elevrådsrepresentant ved Bremnes ungdomskule.
- Val og politiske parti har me hatt mykje om, men no i 10. har me hatt meir om radikalsisering. Me lærer om verdiar i ulike tema, og den siste veka har me hatt særleg mykje om Stortinget, seier Vigdis Mæland. Ho sit som vararepresentant i Bømlo ungdomsråd.
- Eg gler meg til å sjå Stortingssalen der alt vert bestemt, og her får me eit par timar med undervisning. Men sjølvsagt gler eg meg og til shoppingrunden og hotellfrukosten, seier Shahad Abdallah Aldaif.
- Kanskje treff me på Jonas (Gahr Støre) og Erna (Solberg) på Stortinget, legg Aron forventningsfullt til.
Demokrati og medborgarskap
Lærarane søkte og fekk tilskot frå Stortinget sitt undervisningsopplegg “Valet er ditt”. Det dekkar reise og opphald i to døgn. I tillegg har elevane jobba dugnad for å få denne reisa realisert.
- Både elevar og føresette var positive, så då søkte me og fekk tilsagn, fortel lærar Britt Jorunn Rolfsnes. “Valet er ditt” er i korte trekk eit opplegg der ungdomen skal skapa debatt om Norge inn i framtida. I tillegg har me hatt ein del om radikalisering, og då spesielt om prosessen med Anders Behring Breivik som leia fram til 22. juli-angrepet i 2011. Me skal vitja 22. juli-senteret der dei vil få betre forklart om kva som skjedde og bakgrunnen.
- Opplegget er midt i blinken for den delen av læreplanen vår som går på demokrati og medborgarskap. Me er veldig glade for at me fekk til denne turen, og me skal bu sentralt ved Jerbanetorget og ser fram til to fullpakka dagar med læring og opplevingar, seier lærar Ellen M. Thorland.
- Dette blir kjempekjekt, trur Aron, Heine, Vigdis og Shahad. Det er fleire i klassen som aldri har vore i Oslo eller teke fly før, så det og vert spennande.
Lærarane Britt Jorunn Rolfsnes og Ellen M. Thorland tek klasse 10C ved Bremnes ungdomsskule til Stortinget.
Simon Knutsson Sortland
Valet er ditt
I dette digitale læringsspelet går elevane inn i rolla som politikarar i klasserommet. Her skal dei ta val og gjere prioriteringar for framtidas Noreg.
Lær meir om undervisningsopplegget "Valet er ditt"
22. juli senteret
Den 22. juli 2011 vart Noreg ramma av to terroråtak utførte av Anders Behring Breivik. Bombeåtaket på regjeringskvartalet i Oslo og massedrapet på Utøya resulterte i at 77 personar mista livet, og mange vart hardt skadde. Dette er dei verste terrorhandlingane i Noreg etter andre verdskrigen, og hendingane har hatt ei djup innverknad på det norske samfunnet.
Nasjonalt minne- og læringssenter, 22. juli-senteret, som formidlar kunnskap om åtaka