Ordførar Morten Helland var og orienterte i Eldrerådet. Frå venstre Lars Gunnar Ersland, Anne Riise Hatlevik, Synnøve Totland, leiar Ruth-Berny Lønning, møtesekretær Vibeke Robberstad Sortland og Åge Bernard Grutle.
Simon Knutsson Sortland
Onsdag hadde Eldrerådet og Rådet for personar med nedsett funksjonsevne sine møter.
Tysdag 19. mai er det møte i Utval for levekår. På sakslista står mellom anna vurdering av å ta det interkommunale barnevernet tilbake i eigen regi og Kompetanse og rekrutteringsplan - Handlingsplan 2026-2028. I forkant av møtet orienterer rektorane Olaug Norenes Hovda og Maryann Steinsbø om samarbeid mellom Våge og Gilje skule og NLA om uteskule. Deretter er det SLT-koordinator John Herik Staveland Sæter som orienterer om Ruspolitisk handlingsplan.
Møte i Utval for areal og samferdsle har oppe fleire klagesaker om avslag, mellom anna på dispensasjonssøknadar om utbygging av aktivitetsanlegg ved Krokavatnet og
oppføring av bustad i LNF-område. Sonja Hellen Sele (H) har meldt inn spørsmål vedkomande bruk av rorbuer til fast bustad.
Formannskapet skal i sitt møte torsdag 21. mai mellom anna handsama godkjenning av årsrekneskapen 2025, prinsippvedtak utbyggingsavtalar (forutsigbarheitsvedtak) og Planprogram - strategi for næringspolitikk 2026-2030. Ei større sak er undervegsvedtak til revidering av kommuneplanen sin arealdel for godkjenning av planvask, konsekvensutgreiing og revidert byggjegrensemetode. Birgit S. Esperø (KrF) har stilt spørsmål vedkomande grendautval som høyringsinstans.
Bømlo ungdomsråd har møte onsdag 20. mai.
Møta er opne for publikum.