Teknisk drift ute med ein av sine mindre brøytetraktorar.
Simon Knutsson Sortland
Prioritering av dei viktigaste vegane, mindre nattarbeid og meir målretta bruk av strømiddel er blant tiltaka i justeringa av vintervedlikehaldet av dei kommunale vegane.
- Hovudvegar, skulevegar, vegar til institusjonar og andre kritiske strekningar vert prioritert. Andre kommunale vegar blir brøytt og strødd etter behov og kapasitet.
- Det vert mindre nattkøyring dersom vêrmeldinga viser at temperaturen vil stiga over null i løpet av få timar. Ved akutt isdanning eller uventa vêrskifte kan mannskap likevel rykka ut.
- Mest mogleg vinterdrift vert utført i ordinær arbeidstid. Ved uvêr eller akutte hendingar kan beredskap bli kalla ut.
- Det vil bli strødd der det har best effekt, og unngå unødig bruk når mildvêr er venta.
Vegvedlikehald og vinterberedskap
- Teknisk drift merkar også stramare økonomiske tider, og justerer difor drifta for vintervedlikehald utan å svekka tryggleiken, forklarar verksemdsleiar Vardan Vardanyan i Bømlo kommune. Med desse justeringane kan vi halde budsjettet og samtidig sikre trygg ferdsel på dei viktigaste vegane.
Han minnar på kva publikum kan gjere for å bidra til auka tryggleik:
- Tilpass farten etter føret og bruk gode vinterdekk
- Hald private avkøyrsler og oppkøyrsler fri for snø og is
- Parker slik at brøyte- og strøbilar kjem fram
- Meld frå om farlege forhold via kommunen si meldingsteneste
- Me takkar for forståinga og samarbeidet for å sikra trygg ferdsel i trafikken gjennom vinteren, avsluttar Vardanyan.