Oppstart av ny detaljregulering for bustadområde Melingsvågen, gnr./bnr. 101/159 m.fl., Planid: 202501

Det er ABO plan & arkitektur AS som har varsla oppstart av detaljregulering for bustadområde Melingsvågen, gnr./bnr. 101/159 m.fl., Planid: 202501, på vegne av tiltakshavar Steinsbø Hus AS.  

Detaljreguleringa sitt hovudføremål er å legge til rette for bustader (frittliggjande og konsentrert), med tilhøyrande tilkomstveg, parkering og leikeareal. Det er planar om å regulere om lag 12 bustadeiningar i tillegg til eksisterande einingar innanfor området. Ein vil legge til rette for både einebustader og 2-mannsbustader, med tilhøyrande tilkomstveg, parkering og leikeareal. Ein gjer merksam på at det kan koma mindre justeringar av plangrensa. Planområdet har godkjent avkøyringsløyve frå fylkesvegen og det er godkjent byggjeløyve for veg og VA for delar av området. Veg er bygd, vatn er framlagt, avlaup blir ferdigstilt sommaren 2025. Straum og fiber er utbygd.

Bømlo kommune er i gong med rullering av kommuneplanen sin arealdel, og skal gjennomføre ein planvask for å løyse motsegner frå Statsforvaltaren i Vestland. Som del av dette arbeidet kan planvask få konsekvensar for utbyggingsområda omfatta av planområdet.

Frist for å komma med innspel er sett til 26.07.2025.

Eventuelle innspel skal sendast:

• på e-post til: poststord@abo-ark.no eller kari-hilde@abo-ark.no
• eller i brevform til:  ABO Plan & Arkitektur Stord AS, Postboks 32, 5401 Stord