Oppstart av planarbeid og høyring av planprogram - Detaljregulering for Stongarvågen Panorama, gnr./bnr. 82/88 mfl. Plan-ID 202509

Utsnitt av plangrensa

Det er Nordplan Stord AS som har varsla oppstart av detaljregulering for Stongarvågen Panorama, gnr./bnr. 82/88 mfl. Plan-ID 202509 på vegne av tiltakshavar Bømlo Utbygging AS.  Saman med varsel om oppstart er også planprogram for planen på høyring.

Ønska utvikling av området er i strid med gjeldande Kommuneplans arealdel, og forespurnad om oppstart vart handsama politisk i Utval for areal og samferdsel. Utvalet gjorde vedtak om at det kunne varslast oppstart av planarbeidet i møte den 05.11.2025 i sak PS 53/25. 

Føremålet med detaljreguleringa er å legge til rette for eit bustadområde med ulike typar bustadar, og tilhøyrande tilkomstvegar og leikeareal. Ein vil sjå på tilhøva for mjuke trafikantar i høve kryssingspunkt for fv. 5006 Rolvsnesvegen og langs Rolvsnesvegen fram til eksisterande tilbod. Det vil og leggast til rette for gangtilkomstar mellom eksisterande tilgrensande bustadfelt Ramsdalen og nytt bustadområde. Eksisterande avkøyringar vert sanert og det vert opparbeida eitt nytt kryss ut på fv. 5006 innanfor området. Fv. 5006 vil verta utbetra på strekninga fram til nytt kryss, samt at det vert planlagd for fortau langs strekninga.

Det er krav til konsekvensutgreiing og planprogram, etter konsekvensutgreiingsforskrifta §6.  Planprogrammet skal beskrive bakgrunn, innhald og framdrift, samt plan for medverknad og skal liggja til grunn for utarbeiding av planforslag med konsekvensutgreiing. Føremålet med konsekvensutgreiinga er å klargjera verknadane av tiltak som kan få vesentlege konsekvensar for miljø, naturressursar og samfunn. Utgreiinga skal sikre at desse verknadane vert vurdert, både under planlegging av tiltaket og når det skal takast stilling til om tiltaket skal gjennomførast, eventuelt med vilkår om avbøtande tiltak. 

Delar av reguleringsplan for 201204 Langholm - Marka og Ramshellaren, R-61 vil verta oppheva som del av planarbeidet, jf. pbl § 12-14.

Frist for å komma med innspel til planarbeidet og merknad til planprogrammet er sett til 15.05.2026.

Eventuelle innspel til planarbeidet og planprogram skal sendast:

• på e-post til: poststord@nordplan.no eller mrh@nordplan.no
• eller i brevform til:  Nordplan Stord AS, Postboks 32, 5401 Stord