Fire ordinære anlegg og to nærmiljøanlegg fekk støtte i denne tildelingsrunden.
Ordinære anlegg
- Sherpatrapper til Siggjo (Bergen og Hordaland Turlag): 500.000
- Ridehall, Bømlo hestesportsklubb: 392.000
- Bømlohallen, Sentralidrettsanlegget AS: 174.000
- Dagsturhytte ved Barmane (Bømlo kommune): 492.000
Nærmiljøanlegg
- Ballbinge ved Rolfsnes grendahus (Rolfsnes grendalag): 74.000
- Ballplass ved Laurhammer (Gåslandsmarkjo grendalag): 438.000
Dei som ikkje nådde opp i denne runden var:
- Skytebane i Langevåg (Langevåg idrettsbygg AS / Bømlo skyttarlag)
- Kunstgrasbane på Moster (Moster idrettslag)
- Tre ulike prosjekt hos Sentralidrettsanlegget AS:
- Ny kunstgrasbane (denne søknaden er slått saman med annan søknad til same anlegg)
- Friidrettsbane med nytt kunststoffdekke
- Oppgradering av grasbane
Viktig finansieringskjelde
– Dette er pengar mange har venta på. Spelemidlane er avgjerande for å leggje til rette for idrett, fysisk aktivitet, friluftsliv og folkehelse. At vi i år for første gong fordeler over 300 millionar kroner kjem verkeleg innbyggjarane i Vestland til gode. No får vi finansiert store anlegg som både idretts- og symjehallar, men også mindre nærmiljøanlegg som turløyper, frisbee-golfanlegg, ballbingar og padelbaner, seier Jacob Nødseth, leiar for hovudutval for kultur, idrett og inkludering.
Hovudutvalet fordelte spelemidlane i møtet 20. mai. Spelemidlane er del av overskotet til Norsk Tipping og går til både ordinære anlegg og nærmiljøanlegg, altså anlegg som legg til rette for eigenorganisert aktivitet nær der folk bur.
Les heile saka på Vestland fylke sine nettsider