Politiet ber foreldre snakka med borna om ukjende bilar

Dei siste vekene har det kome fleire meldingar om at ukjende personar har tilbode born skyss eller prøvd å lokka dei inn i bilar. Dette har skjedd fleire stader i kommunen. Politiet veit ikkje om det er snakk om den same bilen eller dei same personane.

Politbil - Klikk for stort biletePolitibil Bømlo kommune

Politikontakten i Bømlo kommune, politioverbetjent Øyvind Børnes, oppmodar foreldre om å snakka med borna om kva dei skal gjera dersom dei opplever noko liknande. Born skal aldri sitja på med nokon dei ikkje kjenner, eller setja seg inn i ein ukjend bil.

Dette bør borna gjera

  • Snakk med borna om korleis dei kan reagera dersom ein ukjend person spør om dei vil sitja på. 
  • Sei nei.
  • Gå vekk frå staden.
  • Snakk med ein trygg vaksen.

Meld frå til politiet

Dersom barnet ditt har opplevd noko slikt, ønskjer politiet informasjon om hendinga. Skildringar av bilar eller personar som kan vera involverte, kan vera nyttige.

Politikontakten oppmodar vidare om å avtala korleis borna skal koma seg heim. Lag gjerne planar saman med borna om korleis dei skal koma seg til og frå treningar og andre aktivitetar. Spør også korleis dei har tenkt å koma seg heim etter eit arrangement.