Plan- og byggesak har redusert kapasitet for tida.
Simon Knutson Sortland
Bømlo kommune har no lyst ut to faste stillingar og eitt vikariat ved Plan- og byggesaksavdelinga med søknadsfrist 3. mai.
Viktig informasjon om søknadar
Me held fram med å gje rettleiing som før, både til privatpersonar og profesjonelle aktørar. For at me skal kunna handsama sakene så effektivt som mogleg, er det viktig at søknadar som vert sendt inn, er så komplette som mogleg.
Når søknadar er komplette går saksbehandlinga raskare, det vert redusert behov for ettersendingar og du får raskare svar i saka.
Innsending av søknadar og dokument
All innsending av søknadar og annan skriftleg korrespondanse skal du senda til postmottak@bomlo.kommune.no
Dette gjeld også dersom du er i dialog med ein saksbehandlar. På denne måten sikrar me at all dokumentasjon vert registrert korrekt i saksbehandlingssystemet.
Rettleiing og kontakt
For samtalar og rettleiing ber me deg nytta kommunen sitt bookingsystem for å avtala time. Det gjer det enklare for oss å planleggja ressursbruken og sikrar at du får god hjelp. Tilsette du ikkje kan bestilla digital time hos, kan du kontakta direkte eller via sentralbordet.
Du kan kontakta byggjesak via sentralbordet på telefon 53 42 30 00 tysdag, onsdag og torsdag mellom klokka 12.30 og 14.30.
Spørsmål
Har du spørsmål, kan du senda e-post til postmottak eller avtala rettleiing gjennom bookingsystemet. Me har forståing for at situasjonen kan skapa utfordringar for nokre, og me vil gjera det me kan for å ha ein god og konstruktiv dialog framover.