Rett til gratis tannpleie

Visste du at Lov om tannhelsetenesta kangje deg rett til gratis tannbehandling fråden offentlege tannhelsetenesta om du bur i institusjon eller er under omsorg av heimesjukepleie (vesentleg behov forhelsehjelp) i tre månader eller meir? Ved heimesjukepleie må tenesta vere minst eingong per veke.

tannpleiar med eldre pasient - Klikk for stort bileteEldre kan ha rett på gratis tannpleie. Norsk Tannvern

Fakta om eldre og tannhelse

  • Dårleg tannhelse påverkar den generelle helsa og aukar risiko for diabetes og hjarte-/karsjukdom. 
  • Om lag 20 prosent av vaksne i alderen 65-74 år har alvorleg tannkjøtsjukdom. 
  • Tørr munn (reduksjon i spyttproduksjon), ofte på grunn av medisinar, er eit problem for delar av den vaksne befolkninga. 
  • Tørr munn kan føre til hol, tannkjøtsjukdom og såre slimhinner.

Råd for god tannhelse

  • Puss tennene med fluortannkrem (Duraphat) morgon og kveld
  • Gjer reint mellom tennene (tanntråd, tannpirkar)
  • Bruk fluortablettar
  • Bruk vatn som tørstedrikk
  • Reduser inntak av sukkerhaldige drikker og søtsaker
  • Et sunt og variert, til faste tider
     

Ta kontakt med:
Bremnes tannklinikk, Svortlandsvegen 117 - HSD-senteret
Telefon: 53 42 20 30
post.bre@vlfk.no 
Internett: www.vlfk.no/tannhelse

På døra - med aktivitetar veke 8 - 17.-23. februar (PDF, 919 kB)

PS: Feil i aktivitetskalenderen - I samband med informasjonen "På døra", har det sneket seg inn feil tidspunkt for Aqua gym. Onsdag 19.02 er det seniorsymjing kl 12.15 til 14.00 med Aqua gym kl 12.45 til 13.15

Om prosjektet På døra

Tema i veke 8 på informasjonsskrivet På døra som postboda leverer ut til eit utval personar over 67 år i Bømlo kommune er tannpleie for eldre. I tillegg er det informasjon om ein del aktivitetar som skjer denne veka retta inn mot denne målgruppa. I samarbeid med Posten Bring AS held Bømlo kommune fram pilotprosjektet me starta opp i august i fjor fram til medio juni i år. Me testar ut ein ny måte å informera om aktivitetar målgruppa kan delta på.  I tillegg vil informasjonen innehalda andre aktuelle lokale og nasjonale tema. Omlag 500 innbyggjarar over 67 år i kommunen er tilfeldig plukka ut som testmottakarar. 

Sist endra 17.02.2025 13:52