Søk tilskot for bustad

Er du over 62 år og ønskjer å bu heime lengst mogleg? No kan du søkja omtilskot frå Husbanken til tiltak som gjer bustaden tryggare og lettare åbruka i kvardagen.

ilustrasjonsbilde bustad for eldre - Klikk for stort bileteHusbanken har tilskotsordning til tiltak som gjer bustaden tryggare og lettare å bruka i kvardagen.

Tilskotet kan brukast til tiltak som gjer bustaden meir tilgjengeleg og trygg å bu i overtid. Du kan søkja dersom du er over 62 år, eller bur saman med nokon over 62 år.Bustaden må vera folkeregistrert adresse, og oppgraderinga må kosta minst 40 000kroner. Du kan få dekt inntil 25 prosent av kostnadene, maks 75 000 kroner. Hugs å søkjafør arbeidet startar, og legg ved pristilbod eller kostnadsoverslag frå handverkar.

Les meir om ordninga og søk på husbanken.no under «Tilskot til oppgradering av bustad».

Søknadsfristen er 30. oktober 2026.

Har du spørsmål? Kontakt HR-rådgjevar John Helge Møgster telefon 907 69 739 eller e-post: John.Helge.Mogster@bomlo.kommune.no

På døra veke 42 (PDF, 2 MB)

Kontaktinformasjon Bømlo kommune:

Elisabeth Holme Knutsen - rådgjevar kultur og idrett - Mobil 911 65 377
Johanne Kristiansen - rådgjevar folkehelse og frivilligheit - Mobil 453 82 642

Kontakt oss om du vil reservere deg mot å motta dette informasjonsskrivet.
E-post: postmottak@bomlo.kommune.no
Telefon: 53 42 30 00

aktivitetskalender - Klikk for stort bileteAktivitetskalender19.-25 oktober 2026

Om prosjektet På døra

Tema i veke 42 i informasjonsskrivet På døra er bustadtilskot frå Husbanken. På døra vert av postboda send ut til eit utval personar over 67 år i Bømlo kommune. I tillegg er det informasjon om ein del aktivitetar som skjer denne veka retta inn mot denne målgruppa. I samarbeid med Posten Bring AS vil Bømlo kommune halda fram pilotprosjektet me starta opp i august i fjor med å testa ut ein ny måte å informera om aktivitetar målgruppa kan delta på. I tillegg vil informasjonen innehalda andre aktuelle lokale og nasjonale tema. Omlag 500 innbyggjarar over 67 år i kommunen er tilfeldig plukka ut som testmottakarar.