Jan Sigve Særsten i SnillBonde på orienterte om Snill Bie og drifta av garden på Rubbestad.
Bastian Edi Hoffmann
Rådgjevar landbruk Berit Hallaråker møtte gjestene frå Statsforvaltaren der første stoppestad var Rubbestad og besøk hos Jan Sigve Særsten som driv Snill bie, ein gard med mangfaldig aktivitet. Besøket var del av ein tre dagars turne gjennom Etne, Sveio, Fitjar og Bømlo.
Etter besøket på på Rubbestad gjekk turen til Kulleseid gjestehamn der ordførar Morten Helland og kommunalsjef samfunnsutvikling Tone Stavland tok imot. Ordføraren ynskte dei velkomen til Bømlo og hadde ein kort presentasjon av kommunen. Hallaråker fortalde deretter litt om landbruket på Bømlo, mellom anna om utfordringsbilete og særtrekk ved vårt landbruk. Ordføraren avslutta med litt informasjon om prosessen rundt arbeidet med kommuneplanen sin arealdel.
- Besøket vart avslutta med lunsj i gjestehamna, inkludert gode samtalar og diskusjonar rundt borda. Kommunen set stor pris på at Statsforvaltaren legg turen innom Bømlo når dei er ute på “Bli kjent”-tur, seier kommunalsjef Stavland.
Ordførar Morten Helland fortel landbruksavdelinga hos Statsforvaltaren om Bømlo kommune.
Bastian Edi Hoffmann