Tenk tryggleik og klipp hekken før skulestart

Små barn på skulevegen blir lett usynlege bak store hekkar og busker. Dette kan føra til farlege situasjonar i trafikken. Trygg Trafikk oppmodar folk om å klippa hekkane i samband med skulestart.

gut på sykkel og bil ut av avkjørsel med dårleg sikt illustrasjon - Klikk for stort bileteGod sikt er ein føresetnad for at du skal få auge på gåande og syklande som kryssar avkjørsla di. Statens vegvesen

Høge buskar ved avkøyrsler eller store greiner som heng ut i vegkryss kan gjere det svært uoversiktleg for bilistar, syklistar og gåande. Dette er eit aukande problem i sommarmånadane. Trafikantane mistar ikkje berre sikt, men kan også gå glipp av viktig informasjon når skilt langs vegane vert skjulte av grøne buskvekstar.

Ein lovpålagt klipp

Folk som bur langs trafikkerte vegar må klippa hekkar og buskar på eigedomane sine, av omsyn til eigen og andre sin tryggleik. 

– I midten av august startar barna på skulen igjen og me ynskjer at flest mogleg skal gå og sykle der det høver seg. Då må det leggast til rette for at det kan skje på ein sikker måte. Barna må vere synlege langs vegane, seier regionleiar i Trygg Trafikk Vestland, Knut Olav Røssland Nestås. 

Å syte for fri sikt er så viktig at ansvarstilhøva er nedfelt i veglova. Det er du som bur ved vegen som er ansvarleg for å klippa hekk og buskar på eigedomen din. Det skal vere god sikt ved vegkryss og ved avkøyrsla. Mange bilistar må også kryssa gang- og sykkelvegar for å køyre ut på vegen. Då må dei lett kunne sjå både små og store trafikantar.

Berre ein halv meter

illustrasjon fri sikt i avkjørsla - Klikk for stort bileteSørg for fri sikt i avkjørsla di. Statens vegvesen

Når du står tre meter inn i avkøyrsla di skal du ha minst 30 meter fri sikt i kvar retning langs gang- og sykkelvegen, ifølge lova. Hekk og gjerde skal heller ikkje vere høgare enn 50 centimeter ved avkøyrsla. Om avkøyrsla munnar ut i ein veg med fartsgrense 50 km/t, må det vere fire meter fri sikt inn og 45 meter til kvar side når du står inne i avkøyrsla di, ifølgje Statens vegvesen si temaside om vegetasjonsrydding og ein brosjyre om temaet du finn her.

– Det her gjeld mange stader i distriktet vårt. Mange er nok ikkje klar over dette, no må me saman ta eit tak for å sikre best mogleg sikt og trafikktryggleik før skulestart, avsluttar Nestås.

Dette er viktig for Bømlo kommune som er ein autorisert trafikksikker kommune.

Sjå  også Statens vegvesen sin brosjyre: Klipp hekkar og buskar

fri sikt mot kommunal veg - Klikk for stort bileteDersom du har tre ut mot veg, fortau eller gang- og sykkelveg må ikkje greiner henge lågare enn 5 meter over vegbana. Statens vegvesen