Fastlege Hogne Buchvold ved Moster legesenter.
Simon Knutsson Sortland
Tilskotet skal bidra til å styrke rekrutteringa av fastlegar og redusere belastninga i legevaktordninga. Midlane skal nyttast i tråd med kommunen sin aktivitetsplan for å utvikle ei meir berekraftig og robust legeteneste.
- Dette gir eit viktig løft for arbeidet med å sikre gode og stabile legetenester til innbyggjarane i Bømlo, seier verksemdsleiar Monica Tofte Amundsen i Bømlo legeteneste.
Støtte til 89 distriktskommunar
89 distriktskommunar får støtte frå Helsedirektoratet for å styrka allmennlegetenesta. Ved fordeling av midlar har Helsedirektoratet lagt særleg vekt på:
- innovasjon og utvikling av arbeidsdeling mellom personellgrupper
- stabil bemanning og at fleire innbyggjarar skal få fastlege
- tiltak som kan setjast i verk raskt
Målet med tilskotsordninga «Styrking av allmennlegetenesta i distriktskommunar» er å styrkje allmennlegetenesta gjennom å leggja til rette for innovasjon, tenesteutvikling og sterke fagmiljø. Ordninga skal bidra til å rekruttera fleire, auka stabiliteten i bemanninga og redusera bruken av vikarar. Ho skal òg bidra til betre kvalitet i pasientbehandlinga og gjera det lettare å gi helsehjelp nær der folk bur.
Tilskotsordninga er styrkt med om lag 20 millionar kroner frå i fjor. Ordninga byggjer vidare på tilskotsordninga «Styrking av legevakttenesta i distriktskommunar». Berre kommunar i SSB sine sentralitetsklassar 5 og 6 kan søkja om tilskot gjennom denne ordninga.