Tonje "skugga" ordføraren

Tonje Blomberg har hatt utplassering i arbeidspraksis som ordførar Morten Helland sin skugge denne veka.

sivile og uniformerte personar rundt møtebord - Klikk for stort bileteOrdførar Morten Helland og kommunedirektør Kjetil Aga Gjøsæter var vertskap for det første møtet i nyetablerte Kommunalt beredskapsråd 24.10.2025. Simon Knutsson Sortland

- Dette har vore veldig kjekt, interessant og lærerikt, seier den samfunnsbevisste og svært politisk interesserte 10. klassingen Tonje Blomberg. Ho har denne veka vore utplassert i praksis i Bømlo kommune. Ho har også tidlegare hatt utplasseringsdagar på rådhuset.

Utan å seie noko om andre utplasseringsstadar som nok også er spennande, så er det likevel få som kjem så tett innpå “makta” i kommunen. Tonje har vore med ordføraren i kommunestyremøtet, kommunalt beredskapsråd, frukostmøte med Bømlo Næringsråd, besøk på Stord lufthamn og gjennomgangne av månadens driftsrapport.

- Møtet i beredskapsrådet var veldig spennnade, og det var ganske kjekt på flyplassen, fortel Tonje. Framover siktar ho på å setje seg meir inn i politikk og korleis samfunnet fungerar.

- Det har vore kjekt å ha Tonje som skugge. Ho er interessert og legg merke til ting, skryt ordførar Morten Helland.