Vald og overgrep i nære relasjonar

Bømlo kommune har handlingsplan for å førebyggja vald og overgrep i nære relasjonar. BTI-illustrasjon

Difor er det ekstra viktig at både innbyggjarar og tilsette veit kva dei skal gjere – og kvar dei kan få hjelp. Bømlo kommune har vedteke ny handlingsplan mot vald og overgrep i nære relasjonar. Handlingsplanen mot vald og overgrep i nære relasjonar skal gjelde frå 2025 til 2030 (PDF, 2 MB) og inneheld konkrete tiltak for å førebyggje, avdekke og handtere vald – både for barn, unge, vaksne og eldre.

Sikra tryggleik, helse og likeverd for alle 

Planen er ein del av kommunen sitt arbeid med å sikra tryggleik, helse og likeverd for alle innbyggjarar – og er forankra i både nasjonale føringar og FN sine berekraftsmål. Her får du rettleiing om kva du kan gjere dersom du sjølv – eller nokon du kjenner – ikkje kjenner seg trygg. Det er òg laga eigne tiltakskort og oversikter over hjelpetenester som skal gjere det lettare å finna fram.

Sjå også nettsida vår Vald og overgrep i nære relasjonar

Handlingsplanen skal:

• gi innbyggjarane kunnskap om kva vald og overgrep er – og kvar dei kan søke hjelp
• styrka kompetansen til tilsette i kommunen
• sikra godt samarbeid mellom tenester som møter valdsutsette og -utøvarar
• nå ut til risikoutsette grupper, som barn, eldre og personar med funksjonsnedsetjing
   

– Eit liv utan vald er ein grunnleggjande føresetnad for å kunne leve eit godt liv. Difor er dette arbeidet så viktig, seier SLT-koordinator John Henrik Staveland Sæter.

Treng du hjelp? 

Du er ikkje åleine. Det finst hjelp å få.